अदानी ग्रुपशी संबंधित मोठी बातमी समोर आली आहे. अदानी ग्रुपने मोठ्या कंपन्यांना मागे टाकत तब्बल २५ वर्षांसाठी मोठी बोली जिंकली आहे. अदानी ग्रुपला महाराष्ट्रात वीजपुरवठ्याचे कंत्राट मिळाले आहे. महाराष्ट्रामध्ये वीजपुरवठा करण्याच्या कंत्राटासाठी लावलेली बोली अदानी ग्रुपने जिंकली आहे. ही बोली जिंकल्यामुळे अदानी ग्रुपला महाराष्ट्राला ६,६०० मेगावॅट वीज पुरवण्याचे कंत्राट मिळाले आहे. त्यामुळे ऐन गणेशोत्सवामध्ये अदानी ग्रुपला बाप्पा पावल्याचे म्हटले जात आहे.
अदानी ग्रुपने महाराष्ट्राला ६,६०० मेगावॅट बंडल रिन्युएबल आणि औष्णिक वीज पुरवण्याची बोली जिंकली आहे. जेएसडब्ल्यू एनर्जी आणि टोरंट पॉवर या कंपन्यांपेक्षा कमी दर लावून अदानी ग्रुपने हे कंत्राट मिळवले आहे. कंपनीने यासाठी ४.०८ रुपये प्रति युनिट बोली लावली आणि यासह या ग्रुपने जेएसडब्ल्यू एनर्जी आणि टोरेंट पॉवरला मागे टाकले.
अदानी ग्रुपकडून २५ वर्षांसाठी औष्णिक आणि सोलार वीजपुरवठ्यासाठी लावलेली बोली महाराष्ट्रातील सध्याच्या वीज खरेदीच्या दरापेक्षा एक रुपयाने स्वस्त आहे. अदानी ग्रुपला लेटर ऑफ इंटेट जारी केल्यानंतर ४८ महिन्यांच्या आतमध्ये विजेचा पुरवठा सुरू करावा लागणार आहे. अदानी ग्रुपला हे कंत्राट मिळाल्यामुळे आता महाराष्ट्रातील विजेची गरज पूर्ण होण्याची शक्यता आहे.
या बोलीदरमय्यान काही नियम आणि अटी ठरल्या होत्या. त्यानुसार, अदानी ग्रुप संपूर्ण कालावधीत २.७० रुपये प्रति युनिट दराने सौर ऊर्जा पुरवणार आहे. तर औष्णिक विजेचे दर कोळशाच्या किमतीनुसार ठरवले जातील. महाराष्ट्र राज्य वीज वितरण कंपनीने मार्च महिन्यात ५ हजार मेगावॅट सोलार विजेसाठी तसेच १६०० मेगावॅट औष्णिक वीज खरेदी करण्यासाठी विशेष निविदा काढली होती.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.