मुलींच्या किरकोळ चुकांचे व्हिडीओ सोशल मीडियावर व्हायरल होतात. असे व्हिडीओ अनेकदा गमतीशीर टॅग देत सोशल मीडियावर पोस्ट केले जातात. लोकंही या व्हिडीओचा आनंद घेतात. मात्र आता एक सोशल मीडियावर एका महिलेचा व्हिडीओ व्हायरल झाला आहे. या व्हिडीओला 'शेतकऱ्याची वाघीण' असा टॅग देण्यात आलाय.

सोशल मिडीयावर सध्या एक इंस्टाग्राम व्हिडीओ प्रचंड व्हायरल होतोय. यामध्ये एक महिला शेतकऱ्याची वाघीण म्हणून आपल्या क्षमतेचा, धैर्याचा आणि संघर्षाचा ठसा उमटवताना दिसतेयं. हा व्हिडीओ आपल्याला महिलांबाबत चांगला विचार करायला भाग पाडतो.

काय आहे या व्हिडीओमध्ये?

या व्हिडीओमध्ये एक पुरुष आणि महिला दिसून येतायत. हा पुरुष धान्याची गोणी टेम्पोतून बाहेर काढतानाच काम करतोय. यावेळी एक तरूण महिला धान्याच्या या मोठ्या जड गोणी तिच्या पाठीवर उचलून नेताना दिसतेय. तिच्या या कृत्यामुळे कोणतंही काम मुलींना अशक्य नाही असं दाखवण्यात आलं आहे.

गायी आणि म्हशींना खायला दिल्या जाणाऱ्या धान्याच्या या गोण्या असल्याचं पाहायला मिळतंय. या एका गोणीचं वजन जवळपास ६० किलो आहे. या व्हिडीओच्या कॅप्शनमध्ये शेतकऱ्याची वाघीण असा या महिलेचा उल्लेख करण्यात आला आहे.

कॅप्शनमध्ये तिला 'शेतकऱ्याची वाघीण' असं म्हटलं आहे आणि ते शब्दशः खरं वाटावं असा तिने या व्हिडीओमध्ये काम केलंय. हे काम करत असताना चेहऱ्यावर ना तक्रार, ना दिखावा दिसून येतो. यावेळी फक्त काम पूर्ण करण्याची तयारी त्या महिलेची असल्याचं तुम्ही पाहू शकता.

युजर्सकडून महिलेचं कौतुक

सोशल मीडियावर हा तुफान व्हायरल होत असून, हजारो लोकांनी शेअर केलाय. काहींनी तिला 'अस्सल गावरान चटणी, भाकरीची ताकत आहे' असं म्हटलंय. तर काहींनी 'खरी ताकद अशीच असते' अशा प्रतिक्रिया दिल्यात.