रस्त्यावर आतापर्यंत तुम्ही अनेक अपघात पाहिले असतील. मात्र असं दृश्य तुम्ही कधीच पाहिलं नसेल. सध्या सोशल मीडियावर एक व्हिडीओ व्हायरल होतोय. हा व्हिडीओ पाहून प्रत्येकजण, हे कसं शक्य आहे, असा प्रश्न विचारतोय. व्हायरल झालेल्या या व्हिडिओमध्ये थार गाडी थेट साइन बोर्डमध्ये घुसलेली दिसतेय.

हा व्हिडीओ पाहून अनेकांनी विविध कमेंट्स केल्यात. मात्र यानंतर सोशल मीडियावर एक चर्चा रंगली आहे. अनेकांच्या म्हणण्यानुसार, हा व्हिडीओ AI ने बनवला आहे.

सोशल मीडियावर व्हायरल झाला व्हिडीओ

सोशल मीडिया प्लॅटफॉर्म एक्सवर एक व्हिडिओ झपाट्याने व्हायरल होतोय. या व्हिडिओमध्ये एक थार गाडी हायवेवर असलेल्या साइन बोर्डमध्ये आदळलेली दिसतेय. बोर्डवर दिल्ली, गुरुग्राम आणि जयपूरला कसं जायचं या दिशांचा उल्लेख दिसतो. पहिल्यांदा पाहिल्यानंतर हे तुम्हाला एखाद्या सिनेमातील सीनसारखं दिसतंय. ज्यामुळे लोकांना आश्चर्ययाचा धक्का बसलाय.

हा व्हिडिओ @MeenaRamesh91 नावाच्या अकाऊंटवरून सोशल मीडियावर पोस्ट केला होता. ज्यामध्ये एक मजेशीरल कॅप्शनही लिहिलं होतं. क‌ॅप्शनमध्ये म्हटलंय की, थार कदाचित जयपूरला जात होती. मात्र आता ती थेट जयपूरला पोहोचलीये.

आतापर्यंत या कथित अपघाताबाबत कोणतीही अधिकृत माहिती समोर आलेली नाही. कोणत्याही मीडिया रिपोर्टमध्ये याचा उल्लेख करण्यात आलेला नाही. त्यामुळे असा अंदाज व्यक्त केला जातो की, हा व्हिडिओ मनोरंजन किंवा व्हायरल म्हणून एआयने तयार करण्यात आला असावा.