दररोज सोशल मीडियावर अनेक व्हिडिओ व्हायरल होत असतात. यामध्ये अनेक व्हिडिओ जुगाडचे, हाणामारीचे असतात. सध्या सोशल मीडियावर एक व्हिडिओ व्हायरल होत आहे त्यात बस चालक आणि एसटी अधिकाऱ्यांमध्ये फ्री स्टाईल हाणामारी झाली आहे.

साकोली आगारात बस चालक आणि अधिकाऱ्यांमध्ये मारामारी झाली आहे. बस फेरीवरील चालकाच्या कर्तव्याची कामगिरी क्रमानुसार लावण्याच्या मुद्द्यावरुन हा वाद झाला आहे. हाच वाद पुढे टोकाला गेला अन् त्यांच्यात मारामारी झाली.भंडाऱ्यातील साकोली एसटी आगारात हा प्रकार घडला आहे. (ST Driver fight Video)

चालकाच्या आणि अधिकाऱ्याच्या मारामारीचा व्हिडिओ सोशल मीडियावर व्हायरल होत आहे. व्हायरल व्हिडिओत एसटी आगारात अनेक कर्मचारी दिसत आहे. तिथे मध्ये चालक आणि एसटी अधिकारी एकमेकांच्या छातीवर बसून मारामारी करताना दिसत आहे. दोघेही एकमेकांना जबरदस्त मारहाण करताना दिसत आहे. त्या दोघांनीही इतर कर्मचारी थांबवण्याचा प्रयत्न करताना दिसत आहे. त्यानंतर दोघांनी समजावून बाजूबाजूला घेऊन जाताना दिसत आहे.

साकोली एसटी आगारातील हा व्हिडिओ दोन दिवसांपूर्वीचा आहे.पंकज काटनकर असं चालकाचे नाव आहे. तसेच प्रदीप करंजेकर असं एसटी अधिकाऱ्यांचं नाव आहे. त्या दोघांमध्ये सुरुवातीला बाचाबाची झाली त्यानंतर त्यांचे भांडण वाढले आणि त्यांच्यात जोरदार मारामारी झाली. हा संपूर्ण प्रकार साकोली बस स्थानकाच्या प्रवेशद्वाराजवळचा आहे. (ST Driver And Officer Fight Video)

सध्या सोशल मीडियावर अजून एका एसटी चालकाचा व्हिडिओ व्हायरल होत आहे. त्यात एसटीचालक दारुच्या नशेत बस चालवताना दिसत आहे. बदलापुरातील हा धक्कादायक प्रकार आहे. दारुच्या नशेत हा बसचालक अतिवेगाने एसटी चालवताना दिसत आहे. त्यामुळे प्रवाशांच्या सुरक्षिततेचा प्रश्न निर्माण झाला आहे.