मगर म्हटल्यावर सर्वांनाच भीती वाटते. मगर ही खूप मोठी असते. मगरीची अनेकांना भीती वाटते. मगर ही आपण एखाद्या उद्यानात, जंगलात किंवा पाण्यात पाहतो. परंतु तुम्ही कधी जमिनीवर मगर पाहिली आहे का? उत्तर प्रदेशमधील एका रस्त्यावर मगर फिरताना दिसली आहे.

उत्तर प्रदेशमध्ये बुधवारी एका कालव्यातून मगर रेंगाळत बाहेर आली होती. अचानक मगर जमिनीवर आल्याने परिसरातील लोकांमध्ये भीतीचे वातावरण आहे. ही मगर साधारण १० फूट आहे. या मगरीचा व्हिडिओ सध्या सोशल मीडियावर व्हायरल होत आहे.

उत्तरप्रदेशमधील बुलंद शहरातील नरोर घाटाजवळील गंगा कालव्यातून ही मगर बाहेर आली होती. ही मगर रस्त्यावर दिसल्यावर स्थानिक लोकांनी मगरीला पकडण्यासाठी पोलिसांना आणि वनविभागाला कळवले. या मगरीची व्हिडिओ सोशल मीडियावर शेअर करण्यात आला आहे.

व्हायरल व्हिडिओत १० फूट मगर ही बाजूच्या कालव्यातून बाहेर आलेली दिसत आहे. ही मगर पुन्हा एकदा त्या कालव्यात जाण्याचा प्रयत्न करत आहे. परंतु कालव्याच्या शेजारी लोखंडाचे रेलिंग असल्याने मगरीला पुढे जाताच येत नाहीये. या घटनेचा व्हिडिओ व्हायरल होत आहे.

मगरीची माहिती मिळताच वनविभाग अधिकारी आणि पोलिसांनी घटनास्थळी धाव घेतली. वनविभाच्या अधिकाऱ्यांनी मगरीला पुन्हा कालव्यात सोडले आहे. मगरीची सुटका करण्यात वनविभागाला यश आले आहे.