Ram Mandir Utsav Rally France:

अयोध्या नगरीमध्ये प्रभू श्रीराम मंदिराचा उद्घाटन सोहळा पार पडला. या ऐतिहासिक सोहळ्याचा जल्लोष अन् उत्साह सर्वत्र पाहायला मिळत आहे. फक्त भारतातच नव्हेतर जगभरात या खास सोहळ्याचे सेलिब्रेशन सुरू आहे. अशातच आता फ्रान्समधूनही रामभक्तांचा असाच एक व्हिडीओ समोर आला आहे.

जगभरात आज राममंदिर उद्घाटन (Ram Mandir Inauguration) सोहळ्याचा जल्लोष, उत्साह अन् आनंद पाहायला मिळतोय. ठिकठिकणी भव्य मिरवणूका सुरू आहेत. प्रत्येकजण हा सोहळा आपापल्या परीने साजरा करत असून अवघा सर्वत्र भगवे वादळ आहे. सध्या सोशल मीडियावर फ्रान्समधील एका रॅलीचा व्हिडिओ चांगलाच व्हायरल होत आहे.

या व्हायरल व्हिडिओमध्ये (Viral Video) तुम्ही पाहू शकता की, फुलांनी सजवलेल्या टेम्पोमध्ये उभे राहून सर्वजण श्रीरामाचा जयजयकार करीत आहेत. या भव्य रॅलीमधील प्रत्येक कारवर भगवा झेंडा पाहायला मिळत आहे. तसेच कडाक्याच्या थंडीतही लोक स्वेटर, कॅप घालून रॅलीचा आनंद घेत आहेत. या व्हायरल व्हिडिओवर नेटकऱ्यांनीही जोरदार प्रतिक्रिया दिल्या आहेत.

दरम्यान, फ्रान्ससोबतच जगभरातील देशांमध्ये राममंदिर उद्घाटनाचा सोहळा विविध उत्सव आयोजित करत साजरा करण्यात आला. अयोध्येतील सोहळ्यानिमित्त अमेरिकेतील 1100 मंदिरांमध्ये विशेष कार्यक्रम आयोजित केले होते. तसेच टाइम्स स्क्वेअरसह मंदिरांमध्ये प्राणप्रतिष्ठा सोहळ्याचे थेट प्रक्षेपण केले गेले. या सर्व सोहळ्यांचे असंख्य व्हिडिओ माध्यमांवर व्हायरल होत आहेत. (Latest Marathi News)

  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)