Jaguar Viral Video: 'भगव्या जॅग्वार'चा थाट न्यारा! आलिशान गाडीवर साकारली अयोध्या नगरी; पाहा VIDEO

Saffron Jaguar In Ayodhya:

देशभरात आज राममंदिर उद्घाटन सोहळ्याचा जल्लोष, उत्साह अन् आनंद पाहायला मिळतोय. गावागावात, चौकाचौकात भव्य मिरवणूका सुरू आहेत. प्रत्येकजण हा सोहळा आपापल्या परीने साजरा करत असून अवघा देश भगवामय झाला आहे. सध्या सोशल मीडियावर असाच एक खास व्हिडिओ तुफान व्हायरल होत आहे. ज्यामध्ये भगव्या रंगाच्या आलिशान जॅग्वारने सर्वांचे लक्ष वेधले आहे.

अयोध्या नगरीमध्ये प्रभू श्रीराम मंदिराचा उद्घाटन (Ram Mandir Inauguration) सोहळा पार पडला. या ऐतिहासिक सोहळ्याचा जल्लोष अन् उत्साह सर्वत्र पाहायला मिळत आहे. देशभरात जणू दिवाळीच साजरी होत असल्याचे वातावरण आहे. या खास प्रसंगी गुजरातमधील एका रामभक्ताने संपूर्ण अयोध्येची थीमच आपल्या कारवर साकारली आहे.

सिद्धार्थ दोशी असे या रामभक्ताचे नाव असून तो सुरतमधील प्रसिद्ध उद्योजक आहे. सिद्धार्थ दोशी याने आपल्या जग्वॉर कारला पिवळा आणि भगवा रंग दिला आहे. तसेच गाडीवर संस्कृतमधील श्लोक, प्रभू श्रीरामांचे फोटो,मंदिराची प्रतिकृती आणि मनमोहक पणत्या असा खास साज दिला आहे. रस्त्यावर धावताना ही कार जणू भगवा रथच जात आहे की काय, असाच भास होतो.

  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याबाबत बोलताना सिद्धार्थ दोशी म्हणाले की, 'हा भारतासाठी एक ऐतिहासिक क्षण आहे... आणि मला तो माझ्या श्रद्धेनुसार आणि इतरांना आनंद देत खास पद्धतीने साजरा करायचा होता. दरम्यान, या कारचा व्हिडिओ सोशल मीडियावर व्हायरल झाल्यानंतर नेटकऱ्यांनीही त्यावर जोरदार प्रतिक्रिया दिल्या आहेत. प्रत्येक जण त्याच्या या कारचे कौतुक करताना दिसत आहेत. (Latest Marathi News)