बीसीसीआयचा कॉन्ट्रॅक्ट गेला, भारतीय संघात स्थान मिळणं कठीण झालं आणि जोरदार टीकाही झाली. मात्र श्रेयस अय्यरने आपल्या कामगिरीने सर्वांना चोख प्रत्युत्तर दिलं आहे. आयपीएल २०२४ स्पर्धेत त्याने कोलकाता नाईट रायडर्स संघाला जेतेपद मिळवून दिलं आहे. त्यानंतर सर्वच स्तरातून त्याचं कौतुक केलं जात आहे. दरम्यान या विजयानंतर सोशल मीडियावर त्याचे काही फोटो जोरदार व्हायरल होत आहेत.

एक फोटो तुफान व्हायरल होतोय ज्यात श्रेयस अय्यरसोबत अफगाणिस्तानची जबरा क्रिकेट फॅन वाजमा अयुबी असल्याचं दिसून येत आहे. दरम्यान ही वाजमा अयुबी नक्की आहेत तरी कोण ? जाणून घ्या.

वाजमा अयुबी ही अफगाणिस्तानची कट्टर क्रिकेट समर्थक आहे. ती अनेकदा अफगाणिस्तान संघाला समर्थन करताना दिसून आली आहे. यासह ती भारतीय क्रिकेट संघाला देखील समर्थन करताना दिसून आली आहे.

केवळ आंतरराष्ट्रीय सामने नव्हे, तर आयपीएल सामने पाहण्यासाठीही ती भारतात येत असते. सध्या ती मॉडेलिंगमध्ये आपलं करियर करत आहे. ती दुबईत राहत असली तरी कामानिमित्त ती भारतात येत जात असते.

कोलकाताचा शानदार विजय

आयपीएल २०२४ स्पर्धेतील फायनल सामना कोलकाता नाईट रायडर्स आणि सनरायझर्स हैदराबाद या दोन्ही संघांमध्ये पार पडला. चेन्नईच्या एमए चिंदबरम स्टेडियमवर पार पडलेल्या या सामन्यात कोलकाता नाईट रायडर्सने तिसऱ्यांदा जेतेपदाला गवसणी घातली.

या सामन्यात हैदराबादने नाणेफेक जिंकत प्रथम फलंदाजी करण्याचा निर्णय घेतला. प्रथम फलंदाजी करताना हैदराबादचा डाव ११३ धावांवर आटोपला. या धावांचा पाठलाग करताना कोलकाता नाईट रायडर्स संघाने एकतर्फी विजय मिळवला.