भारत आणि दक्षिण आफ्रिका या दोन्ही संघांमध्ये आयसीसी टी-२० वर्ल्डकप २०२४ स्पर्धेतील फायनलचा सामना सुरु आहे. बारबाडोसच्या मैदानावर सुरु असलेल्या या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला आहे. दरम्यान डावाची सुरुवात करताना पहिलाच षटकात आपला क्लास दाखवला आहे. ज्याचा व्हिडिओ सध्या सोशल मीडियावर व्हायरल होत आहे.

विराटचे ३ चौकार

आयसीसी टी-२० वर्ल्डकप २०२४ स्पर्धेत विराटची बॅट शांतच आहे. त्याला स्पर्धेतील एकाही सामन्यात मोठी खेळी करता आलेली नाही. मात्र फायनलमध्ये त्याच्या फलंदाजीचा क्लास पाहायला मिळत आहे. नाणेफेक जिंकल्यानंतर विराट कोहली आणि रोहित शर्मा ही जोडी मैदानावर आली होती. डावाची सुरुवात करताना विराटने पहिल्याच षटकात मार्को यान्सेनच्या पहिल्याच षटकात ३ चौकार मारले आहेत.

दक्षिण आफ्रिकेकडून डावाची सुरुवात करण्यासाठी विराट फलंदाजीला आला. तर दक्षिण आफ्रिकेकडून मार्को यान्सेन पहिलं षटक टाकण्यासाठी गोलंदाजीला आला. त्याने पहिला चौकार कव्हरच्या दिशेने मारला. तर त्यानंतर यान्सेनने पुढील चेंडू विराटच्या पॅडवर टाकला. या चेंडूवर त्याने मिड विकेटच्या दिशेने चौकार मारला. त्यानंतर तिसरा चौकार त्याने बाणाप्रमाणे सरळ मारला. हा व्हिडिओ सध्या सोशल मीडियावर व्हायरल होत आहे.

या सामन्यासाठी अशी आहे दोन्ही संघांची प्लेइंग ११:

भारत- रोहित शर्मा (कर्णधार), विराट कोहली, रिषभ पंत (यष्टीरक्षक), सूर्यकुमार यादव, हार्दिक पांड्या, रवींद्र जडेजा, शिवम दुबे, कुलदीप यादव, जसप्रीत बुमराह, अक्षर पटेल, अर्शदीप सिंग.

दक्षिण आफ्रिका- क्विंटन डी कॉक (यष्टीरक्षक), रीझा हेंड्रिक्स, एडन मार्करम (कर्णधार), ट्रिस्टन स्टब्स, हेनरिक क्लासेन, डेव्हिड मिलर,कागिसो रबाडा, ॲनरिक नॉर्टजे, तबरेझ शम्सी, मार्को जॅन्सन, केशव महाराज.