Maharashtra Live News Update : कोल्हापूर जिल्हा परिषद अध्यक्षांची आज निवड

स्री बीज तस्करी प्रकरणामध्ये नाशिकमधील तीन आयव्हिएफ सेंटर रडारवर

नाशिकसह राज्यातील 10 आयव्हीएफ सेंटर या तस्करीमध्ये सहभागी असल्याचा संशय

अटकेत असलेला मालती आयव्हीएफ चालक आरोपी डॉक्टर अमोल पाटील घोटाळ्याच्या केंद्रस्थानी

मालती आयव्हीएफच्या मालक डॉक्टर पत्नी वंदना पाटील अद्याप फरार

आयव्हीएफ सेंटरच्या काळा कारभारबाबत संशय

शहरातील सर्वच सेंटर आरोग्य विभागाच्या निशाण्यावर

पुणे जिल्ह्याचा ऐतिहासिक वारसा आणि संस्कृतीचे दर्शन घडविणाऱ्या प्रमुख पर्यटन स्थळांकडे पर्यटकांनी पाठ फिरवल्याचे धक्कादायक वास्तव समोर

भारतीय पुरातत्व विभाग आणि स्थानिक प्रशासन यांच्यातील समन्वयाचा अभाव, तसेच मूलभूत सुविधांची दुरवस्था यामुळे जिल्ह्याचा पर्यटन विकास रखडला असून,

यासंदर्भात विधान परिषदेच्या उपसभापती डॉ. नीलम गोऱ्ह यांनी उपमुख्यमंत्री आणि जिल्ह्याच्या पालकमंत्री सुनेत्रा पवार यांना पत्र लिहून तातडीने हस्तक्षेप करण्याची मागणी केली आहे.

एके काळी पर्यटकांचे मुख्य आकर्षण असलेल्या शनिवारवाड्याला २०१७-१८ मध्ये १४ लाख २४ हजार पर्यटकांनी भेट दिली होती.

मात्र, ही संख्या आता लक्षणीयरीत्या घटली आहे. येथील प्रसिद्ध 'लाईट अँड साऊंड शो' तांत्रिक कारणास्तव आणि निधीअभावी बंद असल्याने पर्यटकांचा हिरमोड होत आहे.

केवळ शनिवारवाडाच नव्हे, तर पावसाळ्यात पर्यटकांनी गजबजणाऱ्या लोहगड किल्ल्यावरही पर्यटकांची संख्या ४० टक्क्यांनी घटली आहे.

कार्ले-भाजे लेणी आणि आगाखान पॅलेस या ठिकाणीही महसुलात मोठी घट झाली असल्याचे डॉ. गोहे यांनी या पत्रात नमूद केले.

कोल्हापूर जिल्हा परिषदेच्या अध्यक्ष-उपाध्यक्षाची निवड आज होणार आहे. सकाळी दहा वाजता उमदेवारी अर्ज दाखल करता येणार आहे. त्यानंतर, दुपारी दोन नंतर जिल्हाधिकारी अमोल यडगे यांच्या अध्यक्षतेखाली निवड प्रक्रिया पूर्ण होणार आहे. त्यानंतर ३० मार्चला विविध विषय समित्यांच्या सभापतींची निवड होईल. तसेच १५ एप्रिलला त्या-त्या समित्यांचे सदस्य निवडले जाणार आहेत.

जालन्यातून एक मोठी बातमी समोर येत आहे. जालन्यातील उटवद शिवारातील एका गॅस एजन्सीच्या गोडाऊन मधून तब्बल 110 गॅस सिलेंडर चोरीला गेले आहे. उटवद शिवारातील आनंद भारत गॅस एजन्सीच्या गोडाऊन मधून 96 घरगुती गॅस सिलेंडरसह 12 व्यावसायिक वापराचे गॅस सिलिंडर , आणि दोन पाच किलोचे व्यावसायिक गॅस सिलेंडर चोरीला गेले आहेत.या प्रकरणी सिद्धार्थ आढाव यांच्या फिर्यादीवरून मौजपुरी पोलिस ठाण्यात अज्ञात चोरट्यांविरोधात गुन्हा दाखल करण्यात आला आहे

घरगुती गॅस सिलेंडर साठी कोणीही रस्त्यावर रांगा लावू नये कारण या सिलेंडर घरपोच मिळेल त्यामुळे घाबरून जायचं कारण नाही असा आवाहन पुणे जिल्हाधिकारी यांनी केल्यानंतर आज सकाळपासूनच गॅस एजन्सीच्या बाहेर गर्दी ओसरल्याचे चित्र आहे. तिला सहा दिवसांपासून घरगुती गॅस सिलेंडरचा तुटवडा असल्यामुळे नागरिक मोठ्या प्रमाणावर सिलेंडर खरेदी करण्यासाठी रस्त्यावर रांगा लावत होते. मात्र काल झालेल्या बैठकीनंतर रस्त्यावर कोणीही रांगा लावणे असा शासन आदेश जारी केला गेला. त्यामुळे वितरकांच्या बाहेर येणाऱ्या नागरिकांना तुम्हाला गॅस सिलेंडर घरपोच मिळेल त्यामुळे रस्त्यावर लाईन लावू नका असं समजावून सांगत आहेत.

उड्डाणपूर्वीच इंडिगोच्या विमानातून इंधन गळती, पायलटच्या सतर्कतेने प्रवासी सुरक्षित

नागपूरच्या डॉ. बाबासाहेब आंबेडकर आंतरराष्ट्रीय विमानतळावरील रविवारची घटना

गोव्याला जाण्यासाठी सज्ज असलेल्या इंडिगोचे 6E 6049 या विमानातील 'नोज व्हील' मधून अचानक इंधन गळती सुरू झाली

सुदैवाने विमान धावपट्टीवर असतानाच विभाग तांत्रिक पथकाच्या लक्षात आली आणि उड्डाण थांबविण्यात आल्याने मोठा अनर्थ टळला

इंधन गळती झालेले विमान सध्या नागपूर विमानतळावरच ग्राऊंडेड करण्यात आले आहे

तांत्रिक तपासणी आणि दुरुस्ती होईपर्यंत हे विमान उड्डाण करू शकणार नाही

सातारा जिल्ह्यातील वाई तालुक्यातील सिद्धनाथवाडी आणि कणूर परिसरात लागलेल्या भीषण वणव्यावर अखेर नियंत्रण मिळवण्यात यश आले आहे. मध्यरात्रीच्या सुमारास लागलेल्या या वणव्यामुळे परिसरात मोठी धावपळ उडाली होती.या वणव्यावर नियंत्रण मिळवण्यासाठी स्थानिक नागरिक आणि वनविभागाच्या कर्मचाऱ्यांनी रात्रभर शर्थीचे प्रयत्न केले.सहा तास अथक परिश्रम घेतले.या सर्वांच्या समन्वयातून आणि कठोर प्रयत्नांमुळे अखेर वणवा आटोक्यात आणण्यात यश मिळाले आहे.त्यांच्या या धाडसी कार्यामुळे मोठे नुकसान टळल्याची माहिती वनविभागाकडून देण्यात आली आहे.

पर्यटन संचालनालयामार्फत ‘नमो पर्यटन कौशल्य प्रशिक्षण योजना’ अंतर्गत टुरिस्ट गाईड ट्रेनिंग

सात दिवसीय प्रशिक्षण आयोजित करण्यात येणार

प्रशिक्षणामध्ये पर्यटन स्थळांवर मार्गदर्शन, आदरातिथ्य सेवा तसेच पर्यटनाशी संबंधित विविध कौशल्यांचे प्रशिक्षण दिले जाणार

पुणे प्रादेशिक विभागातील पुणे, सातारा, सांगली, सोलापूर व कोल्हापूर जिल्ह्यांतील कोणत्याही शाखेतील पदवीधर आणि १८ ते ४५ वयोगटातील सुमारे २०० युवक-युवतींना या प्रशिक्षणाची संधी

या प्रशिक्षणामध्ये ग्वाल्हेर येथील इंडियन इन्स्टिट्यूट ऑफ टुरिझम अँड ट्रॅव्हल मॅनेजमेंट तसेच महाराष्ट्र पर्यटन संचालनालयातील तज्ञ प्रशिक्षक मार्गदर्शन करणार

अधिक माहितीसाठी प्रादेशिक पर्यटन कार्यालय येथे संपर्क साधावा, असे आवाहन

गॅस बुकिंग केल्यानंतर ९६ तासांच्या आत सिलेंडर घरपोच देणे बंधनकारक राहील, असे निर्देश जिल्हाधिकारी जितेंद्र डुडी यांनी दिले

पुणे जिल्ह्यातील सर्व तेल कंपन्या व गॅस एजन्सींच्या प्रतिनिधींना घरगुती गॅस सिलेंडर वितरणाबाबत महत्त्वाच्या सूचना

गोदाम, गॅस एजन्सी किंवा इतर कोणत्याही ठिकाणाहून थेट गॅस सिलेंडरचे वितरण पूर्णपणे बंद ठेवण्याच्या तेल कंपन्या व वितरकांना सूचना

नियमानुसार सुरू असलेल्या गॅस सिलेंडर वितरण प्रक्रियेत कोणीही अडथळा निर्माण केल्यास संबंधितांविरुद्ध कठोर कारवाई करण्यात येईल, असे निर्देश पोलिस प्रशासनालाही देण्यात आले आहेत