Prithvi Shaw Century News:

गेल्या काही वर्षांपासून संघाबाहेर असलेल्या पृथ्वी शॉ ने संघात कमबॅक करण्यासाठी दावा केला आहे. काही महिने नॅशनल क्रिकेट अॅकेडमीत आपल्या फिटनेसवर मेहनत घेतल्यानंतर त्याने रणजी ट्रॉफी स्पर्धेत दमदार कमबॅक केलं आहे.

मुंबई विरुद्ध छत्तीसगड यांच्यातील सामन्यात १८५ चेंडूंचा सामना करत १५९ धावांची खेळी केली. या खेळीदरम्यान त्याने १८ चौकार आणि ३ षटकार मारले आहेत. या खेळीदरम्यान त्याने भूपेनसोबत मिळून २४४ धावा जोडल्या.

दिल्ली कॅपिटल्ससाठी आनंदाची बातमी..

येत्या काही दिवसांत आयपीएल २०२४ स्पर्धेला प्रारंभ होणार पृथ्वी शॉ फॉर्ममध्ये येणं ही दिल्ली कॅपिटल्स संघासाठी आनंदाची बाब आहे. गेल्या हंगामात त्याला हवी तशी कामगिरी करता आली नव्हती.

संघाचा कर्णधार रिषभ पंत खेळणार की नाही हे अजूनही स्पष्ट होऊ शकलेलं नाही. त्यामुळे पृथ्वी शॉ दिल्ली कॅपिटल्स संघासाठी गेम चेंजर ठरु शकतो. पृथ्वी शॉ आक्रमक शैलीने फलंदाजी करतो. त्याने जर संघाला चांगली सुरुवात करुन दिली, तर विरोधी संघातील गोलंदाजांना सामन्यात कमबॅक करणं कठीण होऊन जाईल. (Cricket news in marathi)

भारतीय संघात कमबॅक करणार?

पृथ्वी शॉ ने २०१९ मध्ये भारतीय संघासाठी पदार्पण केलं होतं. त्याने वेस्टइंडिजविरुद्धच्या पहिल्याच सामन्यात शतक झळकावलं आहे.त्यावेळी त्याला भविष्यातील सचिन तेंडुलकर म्हटलं जात होतं. मात्र त्यानंतर त्याच्या खराब फॉर्ममुळे त्याला संघाबाहेर राहावं लागलं होतं. तो २०२१ मध्ये आपला शेवटचा सामना खेळण्यासाठी मैदानावर उतरला होता. त्याला भारतीय संघासाठी ५ कसोटी, ६ वनडे आणि १ टी-२० सामना खेळण्याची संधी मिळाली आहे.