पंड्याला गर्लफ्रेंडसोबतचे कारनामे भोवणार ? पांड्याविरोधात याचिका दाखल होणार ?

रोहित कदम, साम टीव्ही

तडाखेबाज फलंदाजीनं क्रिकेट जगातात नावलौकिक मिळवणारा टीम इंडियाचा अष्ट्रपैलू हार्दिक पांड्या अडचणीत येण्याची शक्यताय... टी-20 विश्वचषक विजयानंतर सेलिब्रेशनवेळी हार्दिक पांड्यानं तिरंगा घेऊन त्याच्या गर्लफ्रेडसोबत अश्लील कृत्य केल्याचा आरोप केला जातोय. यामुळे पांड्याच्या अंगावर असलेल्या तिरंग्याचा अवमान झाल्याची तक्रार पोलिसांत करण्यात आलीये.

पुण्यातील वकील वाजिद खान यांनी हार्दिक पांड्याविरोधात थेट पोलिसांत तक्रार केलीय. तर न्यायालयातसुद्धा ते याचिका दाखल करणार आहेत... त्यामुळे हार्दिक पांड्याला हे सेलिब्रेशन चांगलंच महागात पडणारेय.

एकीकडे विश्वचषक जिंकल्यानंतर भारतीय संघाचं कौतुक होत असतानाच दुसरीकडे राष्ट्रध्वजाच्या अवमानापायी पांड्यावर कायदेशीर कारवाईची टांगती तलवारेय. त्यामुळे पोलीस आणि न्यायालय यासंदर्भात काय कार्यवाही करतात, हे पाहणं महत्त्वाचं असणार आहे.