IPL 2025 मध्ये दिल्ली कॅपिटल्स सुरुवातीपासूनच शानदार फॉर्ममध्ये आहे. दिल्लीने ६ पैकी ५ सामने जिंकले आहे. दिल्लीचा संघ सध्या पॉईंट्स टेबलवर टॉपवर आहे. आज नरेंद्र मोदी स्टेडियमवर गुजरात टायटन्स विरुद्ध दिल्ली कॅपिटल्स हा सामना आहे. या सामन्यादरम्यान सोशल मीडियावर केएल राहुल आणि दिल्लीचे कोच केविन पीटरसनचा व्हिडीओ व्हायरल होत आहे.

दिल्ली कॅपिटल्सच्या सोशल मीडिया अकांउटवर पोस्ट करण्यात आलेल्या व्हिडीओमध्ये केएल राहुल, केविन पीटरसन आणि शुबमन गिल यांची मजामस्ती पाहायला मिळत आहे. गुजरातचा कर्णधार शुबमन गिल दिल्ली कॅपिटल्सच्या सरावसत्रात येतो आणि केविन पीटरसन यांनी मिठी मारतो. केविन यांनी गिल विचारतो, 'नीट सुरु आहे ना सगळं?'

शुबमन गिलच्या प्रश्नाचे उत्तर देताना केविन पीटरसन गमतीने म्हणतात, 'मेंटॉर म्हणजे काय? इथे कुणाला माहीत आहे का मेंटॉर म्हणजे नक्की काय? तुम्ही मला सांगू शकता का मेंटॉर कोण आहे? त्यानंतर केएल राहुल लगेच 'मेंटॉर अशी व्यक्ती जी आयपीएल सीझन सुरु असताना मध्येच दोन आठवड्यांसाठी मालदीवला फिरायला जाते' असे म्हणतो. केल राहुलच्या बोलण्यावर सगळे हसू लागतात.

केविन पीटरसन हे दिल्ली कॅपिटल्स संघाचे मेंटॉर आहेत. काही दिवसांपूर्वी ते सुट्ट्यांसाठी मालदीवला गेले होते. १० एप्रिल रोजी दिल्ली विरुद्ध बंगळुरू सामन्याच्या वेळेस पीटरसन दिल्लीच्या संघासोबत नव्हते. पण केविन पीटरसन यांच्या मार्गदर्शनामध्ये दिल्ली कॅपिटल्सने दमदार खेळी केली आहे. दिल्लीचा संघ सध्या टेबल टॉपर आहे. असाच फॉर्म टिकून राहिला तर दिल्लीचा संघ सर्वप्रथम प्लेऑफमध्ये प्रवेश करेल असे म्हटले जात आहे.