IPL Auction Update:

आयपीएल स्पर्धेचा क्रेझ दिवसेंदिवस वाढतच चालला आहे. आयपीएल २०२५ स्पर्धेच्या आयोजनाबाबत १६ एप्रिल रोजी बैठक आयोजित करण्यात आली होती. या बैठकीत आयपीएल स्पर्धेतील संघमालक आणि बीसीसीआयचे अधिकारी सहभाग घेणार होते. मात्र ही बैठक आता पुढे ढकलण्यात आली आहे. फ्रेंचायजीच्या मालकांनी ४ ऐवजी ८ खेळाडूंना रिटेन करण्याचा प्रस्ताव ठेवला आहे. मात्र बीसीसीआय यासाठी तयार नसल्याचं म्हटलं जात आहे.

क्रिकबझने दिलेल्या वृत्तानुसार,अहमदाबादमध्ये १६ एप्रिल रोजी होणारी मिटींग अनिश्चित काळासाठी पुढे ढकलण्यात आली आहे. ही बैठक केव्हा होणार याबाबत कुठलीही अपडेट समोर आलेली नाही. आयपीएलच्या वेळापत्रकात काही बदल करण्यात आला आहे. त्यामुळे ही मिटींग पुढे ढकलण्यात आल्याचं म्हटलं जात आहे. आगामी हंगामात काय काय बदल होणार, किती खेळाडूंना रिटेन केलं जाणार या सर्व विषयांवर चर्चा होणार होती. (Cricket news in marathi)

आयपीएलच्या नियमांनुसार, एका संघात जास्तीत जास्त ४ खेळाडूंना संघात कायम ठेऊ शकतो. दरम्यान कुठलाही संघ ३ पेक्षा जास्त भारतीय खेळाडू किंवा २ परदेशी खेळाडूंना संघात कायम ठेऊ शकतो. यासह दोन अनकॅप्ड खेळाडूंना संघात कायम ठेवण्याची मर्यादा आहे.

जर संघात ८ खेळाडूंना कायम ठेवण्याची अनुमती दिली गेली तर मुंबई इंडियन्स, चेन्नई सुपर किंग्ज हे दोन्ही संघ आणखी मजबूत होऊ शकतात. कारण हे संघ मजबूत आहेत. जर संघात ८ खेळाडूंना कायम ठेवण्याची अनुमती दिली गेली,तर या संघातील प्रमुख खेळाडू संघात कायम राहतील. इतर संघ पाहिले, तर त्या संघांकडे असे ८ खेळाडू नाहीत ज्यांना रिटेन करता येईल. त्यामुळे संघात नवे खेळाडू घ्यावे लागतील. आता बीसीसीआय हा नियम लागु करणार का? हे पाहणं महत्वाचं ठरणार आहे.