IPL 2024: किंग कोहलीचा Orange Cap वर कब्जा! Purple Cap कुणाच्या डोक्यावर?

IPL 2024, Orange Cap And Purple Cap List:

आयपीएल २०२४ स्पर्धेत आतापर्यंत एकापेक्षा एक रोमांचक सामने पाहायला मिळाले आहेत. स्पर्धेतील पहिल्या टप्प्यात जे संघ पिछाडीवर आहेत, ते संघ कमबॅक करताना दिसून येऊ शकतात. या स्पर्धेत फलंदाजांचा बोलबाला पाहायला मिळाला आहे. तर गोलंदाजांनीही शानदार कामगिरी केली आहे. दरम्यान ऑरेंज कॅप आणि पर्पल कॅपच्या यादीत कोण आहे अव्वल स्थानी? जाणून घ्या.

आयपीएल २०२४ स्पर्धेत आतापर्यंत सर्वाधिक धावा करणारे फलंदाज..

विराट कोहली (रॉयल चॅलेंजर्स बंगळुरु) - ३१६ धावा

साई सुदर्शन (गुजरात टायटन्स) - १९१ धावा

रियान पराग (राजस्थान रॉयल्स) - १८५ धावा

शुभमन गिल (गुजरात टायटन्स) - १८३ धावा

संजू सॅमसन (राजस्थान रॉयल्स)- १७८ धावा

आयपीएल २०२४ स्पर्धेत सर्वाधिक गडी बाद करणारे गोलंदाज..

मुस्तफिजुर रहमान (चेन्नई सुपर किंग्ज) - ९ गडी

युजवेंद्र चहल (राजस्थान रॉयल्स) - ८ गडी

गेराल्ड कोएत्जी (मुंबई इंडियन्स) - ७ गडी

मोहित शर्मा (गुजरात टायटन्स)- ७ गडी

खलील अहमद ( दिल्ली कॅपिटल्स) - ७ गडी

मुस्तफिजुर रहमानने पटकावली पर्पल कॅप..

आयपीएल २०२४ स्पर्धेत सोमवारी चेन्नई सुपर किंग्ज आणि कोलकाता नाईट रायडर्स असा सामना रंगला. या सामन्यात गोलंदाजी करताना रविंद्र जडेजा, तुषार देशपांडे आणि मुस्तफिजुर रहमान यांनी शानदार गोलंदाजी केली. चेन्नईकडून जडेजा आणि तुषार देशपांडेने प्रत्येकी ३-३ गडी बाद केले. तर मुस्तफिजुर रहमानने २ गडी बाद केले. हे २ गडी बाद करताच त्याने पर्पल कॅपवर कब्जा केला. या शानदार गोलंदाजीच्या बळावर कोलकाता नाईट रायडर्स संघाला २० षटकअखेर अवघ्या १३८ धावा करता आल्या. या धावांचा पाठलाग करताना चेन्नई सुपर किंग्ज संघाने ७ गडी ऱाखून विजय मिळवला.