IPL 2024 Jasprit bumrah reclaims top spot in purple cap list know the orange cap list amd2000 twitter
Sports

IPL 2024: पर्पल कॅपच्या यादीत बुमराह नंबर १! ऑरेंज कॅपसाठी विराटला या फलंदाजांकडून कडवी झुंज

Most Runs And Most Wickets In IPL 2024: मुंबई इंडियन्स आणि पंजाब किंग्ज यांच्यातील सामन्यानंतर पुन्हा एकदा जसप्रीत बुमराहने पर्पल कॅपवर कब्जा केला आहे.

Ankush Dhavre

पंजाब किंग्जविरुद्ध झालेल्या सामन्यात जसप्रीत बुमराह एकटाच नडला. बुमराहने या सामन्यात गोलंदाजी करताना ४ षटकात अवघ्या २१ धावा खर्च करत ३ गडी बाद केले. यासह संघाला चांगली सुरुवातही करून दिली. यासह त्याने पर्पल कॅपच्या शर्यतीत अव्वल स्थान गाठलं आहे. याबाबतीत त्याने युजवेंद्र चहलला मागे सोडलं आहे. जसप्रीत बुमराहच्या कामगिरीबद्दल बोलायचं झालं तर, त्याने आतापर्यंत एकूण १३ गडी बाद केले आहेत. तर दुसरीकडे चहलच्या नावे १२ गडी बाद करण्याची नोंद आहे.

या स्पर्धेत आतापर्यंत गोलंदाजांची चांगलीच धुलाई झाल्याचं पाहायला मिळालं आहे. मात्र काही गोलंदाज आहेत ज्यांनी अचूक टप्प्यावर गोलंदाजी करत संघाच्या विजयात मोलाचं योगदान दिलं आहे. जसप्रीत बुमराहबद्दल बोलायचं झालं तर त्याने ७ सामन्यांमध्ये १२.८५ च्या सरासरीने १३ गडी बाद केले आहेत. तर युजवेंद्र चहलने ७ सामन्यांमध्ये १८.८ च्या सरासरीने १२ गडी बाद केले आहेत. या मुंबईचा गोलंदाज जेराल्ड कोएत्जी तिसऱ्या स्थानी आहे. त्याने ७ सामन्यांमध्ये २१.९२ च्या सरासरीने १२ गडी बाद केले आहेत.

या यादीत पंजाबचा वेगवान गोलंदाज सॅम करन, कगिसो रबाडा, चेन्नईचा वेगवान गोलंदाज मुस्तफिजूर रहमान आणि हर्षल पटेल या गोलंदाजांचा देखील समावेश आहे.

तर ऑरेंज कॅपच्या यादीबद्दल बोलायचं झालं तर, विराट कोहली हा अव्वल स्थानी विराजमान आहे. विराट कोहलीने या हंगामातील ७ सामन्यांमध्ये खेळताना ७२.२० च्या सरासरीने ३६१ धावा केल्या आहेत. तर राजस्थान रॉयल्स संघातील फलंदाज रियान पराग या यादीत दुसऱ्या स्थानी आहे. त्याने ७ सामन्यांमध्ये ६३.६० च्या सरासरीने ३१८ धावा केल्या आहेत.

रोहित शर्मा कितव्या स्थानी?

याय यादीत मुंबईचा माजी कर्णधार रोहित शर्मा तिसऱ्या स्थानी पोहोचला आहे. त्याने आतापर्यंत खेळलेल्या ७ सामन्यांमध्ये ४९.५० च्या सरासरीने २९७ धावा केल्या आहेत. कोलकाता नाईट रायडर्स संघातील सलामीवीर फलंदाज सुनील नरेन या यादीत चौथ्या स्थानी पोहोचला आहे. त्याने राजस्थान रॉयल्स संघाविरुद्ध झालेल्या सामन्यात शानदार शतकी खेळी केली. त्याच्या कामगिरीबद्दल बोलायचं झालं तर त्याने ६ सामन्यांमध्ये ४६ च्या सरासरीने २७६ धावा केल्या आहेत. तर राजस्थान रॉयल्स संघाचा कर्णधार संजू सॅमसन या यादीत पाचव्या स्थानी आहे. त्याने ७ सामन्यांमध्ये ५५.२० च्या सरासरीने २७६ धावा केल्या आहेत .

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Jalgaon Crime : कॉफी शॉपमध्ये पोलिसांची धाड; तरुण- तरुणी सापडले नको त्या अवस्थेत

Maharashtra Live News Update: पुणे, मुंबई, नागपूर आणि नाशिकमधील अॅप आधारित रिक्षा आणि कॅब सेवा आज बंद

बाईकच्या मागे बसणाऱ्या व्यक्तीला काय म्हणतात? 99% तुम्हाला माहिती नसेल उत्तर

Shocking: शाळेमध्ये २ विद्यार्थ्यांची आत्महत्या, गळफास घेत संपवलं आयुष्य; पालघर जिल्हा हादरला

Lack of sleep: नीट झोप होत नाही! आरोग्यासाठी ठरतेय सर्वात घातक, संशोधनातून समोर आली झोप उडवणारी माहिती

SCROLL FOR NEXT