India vs England Test : ओव्हल कसोटीमध्ये दोन्ही डावात मिळून मोहम्मद सिराजने ९ विकेट्स घेतल्या. ही कसोटी जिंकवून देण्यासाठी त्याने महत्त्वाची भूमिका बजावली. कसोटीच्या पाचव्या दिवशी त्याने इंग्लंडचे तीन गडी बाद केले. गस एटकिन्सनची विकेट घेतल्यानंतर सिराजने सेलिब्रेशन सुरु केले. सामना संपल्यानंतर ओव्हलच्या मैदानामध्ये सिराज कॅमेऱ्यासमोरच रडू लागला. भारताच्या विजयानंतर त्याला अश्रू अनावर झाले. सिराजचा हा व्हिडीओ सोशल मीडियावर व्हायरल होत आहे.

भारत विरुद्ध इंग्लंड ओव्हल कसोटी संपल्यानंतर हस्तांदोलन करण्यासाठी मोहम्मद सिराज पुढे गेला. तेव्हा ओव्हल स्टेडियममधील सर्व क्रिकेट चाहत्यांनी मोठा जल्लोष करत सिराजचे कौतुक केले. त्याने कसोटी मालिकेदरम्यान उत्कृष्ट खेळी करत चाहत्यांची मने जिंकली. शेवटच्या ओव्हल कसोटीमध्ये जसप्रीत बुमराहच्या अनुपस्थितीत सिराजने त्याचा क्लास दाखवला.

सामन्यानंतर लगेच दिनेश कार्तिकने मोहम्मद सिराजशी संवाद साधला. 'योग्य ठिकाणी गोलंदाजी करावी याचा मी विचार करत होते. खरं सांगायचं तर मी ब्रूकचा झेल घेईन आणि सीमारेषेवर पाऊल ठेवेन असा मला वाटले नव्हते. तो सामन्यातील टर्निंग पाँईट होता. मी नेहमीच स्वत:वर विश्वास ठेवला आहे, मी संघासाठी हे करेन असं स्वत:ला सांगत आलो आहे', असे सिराज म्हणाला.

'मी आज जेव्हा सकाळी उठलो, तेव्हा माझ्या देशासाठी, संघासाठी गेम चेंजर बनेन असे स्वत:ला सांगितले होते. सर्वांनी खूप मेहनत घेतली. आम्ही शेवटपर्यंत एकत्र लढलो. believe असा स्क्रीनशॉट स्क्रीनशॉट मी गुगलवरुन घेतला आणि वॉलपेपर म्हणून लावला', असे वक्तव्य मोहम्मद सिराजने केले. भारत विरुद्ध इंग्लंड कसोटी मालिकेत सिराजने सर्वाधिक २३ विकेट्स घेतल्या आहेत.