Ind vs Aus Semi Final : चॅम्पियन्स ट्रॉफी २०२५ च्या पहिल्या उपांत्य फेरीला लवकरच सुरुवात होणार आहे. भारत विरुद्ध ऑस्ट्रेलिया हा पहिला उपांत्य फेरीतला सामना दुबईमध्ये खेळला जाणार आहे. टॉस ऑस्ट्रेलिया संघाचा कर्णधार स्टीव स्मिथने जिंकला आहे. स्मिथने प्रथम फलंदाजी करण्याचा निर्णय घेतला आहे. या चुरशीच्या सामन्याला लवकर सुरुवात होणार आहे.

भारत विरुद्ध ऑस्ट्रेलिया हा सामना दोन्ही संघांसाठी महत्त्वपूर्ण असणार आहे. गुगलच्या अंदाजानुसार, भारताचा विजय होण्याची शक्यता ६४ टक्के आहे. तर ऑस्ट्रेलियाच्या विजयाची शक्यता ३६ टक्के आहे. दोन्ही संघ परिपूर्ण असले तरी गुगलनुसार चॅम्पियन्स ट्रॉफी उपांत्य फेरी सामन्यात भारताचे पारडे जड असल्याचे म्हटले जात आहे.

भारताने बांगलादेश, पाकिस्तान आणि न्यूझीलंडचा पराभव करत सेमीफायनल गाठली. भारताच्या विजयी रथासमोर आता बलाढ्य ऑस्ट्रेलियाचे आव्हान आहे. आजचा सामना कोण जिंकणार याकडे सर्वांचे लक्ष लागले आहे. ऑस्ट्रेलियाचा पराभव करुन भारत वर्ल्डकपचा वचवा काढणार की ऑस्ट्रेलिया पुन्हा एकदा भारताचा पराजय करणार याकडे क्रिकेटप्रेमी लक्ष वेधून आहेत.

भारताची प्लेईंग ११ -

रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल, अक्षर पटेल, हार्दिक पंड्या, रवींद्र जडेजा, मोहम्मद शमी, वरूण चक्रवर्ती, कुलदीप यादव.

ऑस्ट्रेलियाची प्लेईंग ११ -

स्टीव्ह स्मिथ (कर्णधार), कूपर कॉनोली, ट्रॅव्हिस हेड, मार्नस लाबुशेन, जोश इंग्लिस, अ‍ॅलेक्स केरी, ग्लेन मॅक्सवेल, बेन द्वारशुइस, नॅथन एलिस, अ‍ॅडम झांपा, तनवीर संघा.