GT VS RR Video : आयपीएल २०२५ मधील २३ वा सामना आज नरेंद्र मोदी स्टेडियमवर रंगला आहे. घरच्या स्टेडियमवर पहिल्यांदा फलंदाजी करताना गुजरात टायटन्सने एकूण २१७ धावा केल्या. या सामन्यादरम्यान सलामीसाठी आलेल्या यशस्वी जयस्वाल फक्त ६ धावा करुन माघारी परतला. पण यशस्वी जयस्वालने पकडलेल्या कॅचची चर्चा होत आहे.

नेमकं काय घडलं?

सलामीपासून टिकून राहिलेला साई सुदर्शन ओव्हरमध्ये बाद झाल्यानंतर राशिद खान फलंदाजीसाठी आला. तुषार देशपांडेच्या तेव्हा गोलंदाजी करत होता. तेव्हा राशिदने पहिल्या बॉलवर सिक्स आणि दुसऱ्या बॉलवर फोर मारला. ओव्हरच्या शेवटच्या बॉलवर राशिदने नो लुक शॉट मारला. बॉल बॅकवर्ड स्क्वायर लेगच्या दिशेने गेला. तेथे यशस्वी जयस्वालने डाइव्ह मारत उकृष्ट कॅच पकडला. कॅच पकडल्यानंतर राशिद खानची रिॲक्शन पाहण्यासारखी होती.

अहमदाबादच्या नरेंद्र मोदी स्टेडियममध्ये गुजरात टायटन्स विरुद्ध राजस्थान रॉयल्स ही लढत सुरु आहे. या सामन्यामध्ये राजस्थानचा कर्णधार संजू सॅमसनने टॉस जिंकत पहिल्यांदा गोलंदाजी करण्याचा निर्णय घेतला. प्रथम फलंदाजी करताना गुजरातने २० ओव्हर्समध्ये २१७ धावा केल्या. गुजरातकडून खेळताना साई सुदर्शनने सर्वात जास्त ८२ धावा केल्या.

गुजरात टायटन्सची प्लेईंग 11 -

साई सुदर्शन, शुबमन गिल (कर्णधार), जोस बटलर, शेरफेन रुदरफोर्ड, राहुल तेवतिया, राशिद खान, अरशद खान, साई किशोर, मोहम्मद सिराज, प्रसिद्ध कृष्णा

राजस्थान रॉयल्सची प्लेईंग 11 -

यशस्वी जयस्वाल, संजू सॅमसन (कर्णधार), नितीश राणा, रियान पराग, शिमरॉन हेटमायर, ध्रुव जुरेल, जोफ्रा आर्चर, महेश तीक्षणा, फजलहक फारूकी, संदीप शर्मा, तुषार देशपांडे.