सनातन धर्मातील लोकांसाठी श्रीगणेशाच्या उपासनेला विशेष महत्त्व आहे. सर्व देवी-देवतांमध्ये गणेशाचे प्रथम स्थान आहे. त्यामुळे त्यांची पूजा केल्यानंतरच इतर देवांची पूजा केली जाते. धार्मिक श्रद्धेनुसार जे लोक श्रीगणेशाची भक्ती भावनेने पूजा करतात त्यांचे सर्व दु:ख, वेदना गणराया हरण करतात. गणेश चतुर्थीच्या दिवशी देवाची पूजा केल्याने साधकाला विशेष फळ मिळते.

दरवर्षी गणेश चतुर्थी उत्सव भाद्रपद महिन्याच्या चतुर्थी तिथीला सुरू होतो. तर अनंत चतुर्दशीच्या दिवशी संपतो. यावेळी 7 सप्टेंबर 2024 रोजी गणेश चतुर्थी आणि 17 सप्टेंबर 2024 रोजी अनंत चतुर्दशीचा सण साजरा केला जाणार आहे. वैदिक ज्योतिष शास्त्रानुसार 12 राशींपैकी तीन राशींवर नेहमी गणपती बाप्पाचा विशेष आशीर्वाद असतो. जे भाविक श्री गणेशाची पूजा मनोभावे करतात, गणराया त्यांच्या इच्छा पूर्ण करतात. आज आपण अशा तीन राशींविषयी जाणून घेणार आहोत, ज्यांच्यावर गणपती बाप्पांची विशेष कृपा असते.

मिथुन

वैदिक ज्योतिषशास्त्रानुसार मिथुन राशीचा स्वामी बुध ग्रह आहे, जो गणेशाची देवता आहे. यामुळे या राशीच्या लोकांवर श्री गणेशाची कृपा सदैव राहते. मिथुन राशीच्या लोकांनी गणेश चतुर्थीच्या दिवशी गणपतीची योग्य प्रकारे पूजा केली तर त्यांना जीवनात अपार यश मिळू शकते. यासोबतच आरोग्य आणि मानसिक समस्यांपासूनही त्यांना आराम मिळण्याची शक्यता आहे.

कर्क

चंद्र देव बुध ग्रहाचा पिता आहे आणि कर्क चंद्राचे चिन्ह आहे. कर्क राशीच्या लोकांना नेहमी चंद्र देवाचा आशीर्वाद असतो. यामुळे कर्क राशीच्या लोकांनी गणेशाची नियमित पूजा केल्यास त्यांच्या जीवनात सकारात्मक बदल घडू लागतात. भगवान गणेशाच्या आशीर्वादाने, कर्क राशीच्या लोकांची बुद्धिमत्ता आणि कौशल्ये विकसित होण्याची अधिक शक्यता असते.

कन्या

कन्या राशीचा स्वामी बुध ग्रह देखील आहे, जो श्री गणेशचे देवता आहेत. यामुळे कन्या राशीच्या लोकांना गणेश चतुर्थीच्या दिवशी श्रीगणेशाचा विशेष आशीर्वाद मिळू शकतो. पण यासाठी त्यांना या पवित्र दिवशी गणेशाची पूजा करावी लागणार आहे. धार्मिक मान्यतेनुसार या दिवशी भक्ताने गणपती बाप्पाची मनोभावे पूजा केल्यास देव त्याचे सर्व संकट दूर करतात. तसेच जीवनात सदैव समृद्धी, सुख, शांती आणि ऐश्वर्य मिळण्याचा आशीर्वाद देतात.

टीप : वरील सर्व साम टीव्ही केवळ माहिती म्हणून वाचक-प्रेक्षकांपर्यंत पोहोचवत आहे. यातून साम टीव्ही कोणताही दावा करत नाही.