NIACL Company Recruitment for 325 Posts: सरकारी नोकरीच्या शोधात असणाऱ्या तरुणांसाठी आनंदाची बातमी आहे. न्यू इंडिया इन्शुरन्स कंपनी लिमिटेड (NAICL)मध्ये अप्रेंटिस पदासाठी भरती जाहीर करण्यात आली आहे. या भरतीसाठी अर्जप्रक्रिया २१ सप्टेंबर २०२४ पासून सुरु होणार आहे.

NAICL ही भारत सरकारची कंपनी आहे. त्यामुळे सरकारी कंपनीत नोकरी करण्याची ही चांगली संधी आहे. या नोकरीसाठी अर्ज करण्याची शेवटची तारीख ५ ऑक्टोबर २०२४ असणार आहे. इच्छुक उमेदवारांनी कंपनीच्या अधिकृत वेबसाइट www.newindia.co.in वर जाऊन अर्ज करु शकतात.

ज्या तरुणांचे ग्रॅज्युएशन पूर्ण झाले आहे. त्यांच्यासाठी करिअरची सुरुवात करण्याची ही उत्तम संधी आहे. या नोकरीसाठी देशभरातली उमेदवार अर्ज करु शकतात. या नोकरीसाठी सामान्य प्रवर्गासाठी १९० जागा राखीव आहेत.ओबीसी प्रवर्गासाठी ६२ जागा राखीव आहेत. एकूण ३२५ पदांसाठी ही भरती जाहीर करण्यात आली आहे.

NAICL मध्ये अर्ज करणाऱ्या उमेदवाराने मान्यताप्राप्त विद्यापीठातून ग्रॅज्युएट झाले असावे. या नोकरीसाठी २१ ते ३० वयोगटातील उमेदवार अर्ज करु शकतात. आरक्षित प्रवर्गातील उमेदवारांना वयोमर्यादेत सूट देण्यात आली आहे. या नोकरीबाबत अधिसूचना तुम्ही वेबसाइटवर पाहू शकतात.

अप्रेंटिसशिपसाठी निवड झालेल्या उमेदवारांना ट्रेनिंग कालावधीत ९००० रुपयांची स्टायपेंड दिली जाईल. या नोकरीसाठी उमेदवारांची निवड लेखी परीक्षा आणि प्रादेशिक भाषा परीक्षा घेऊन करण्यात येणार आहे. ही परीक्षा १२ ऑक्टोबर २०२४ ते १४ ऑक्टोबर या कालावधीत होण्याची शक्यता आहे.