सरकारी नोकरीच्या शोधात असणाऱ्या तरुणांसाठी आनंदाची बातमी आहे. मंत्रिमंडळ सचिवालयात भरती निघाली आहे. मंत्रिमंडळ सचिवालयात डेप्युटी फिल्ड ऑफिसर पदासाठी भरती सुरु आहे. या नोकरीसाठी इच्छुक उमेदवारांनी लवकरात लवकर अर्ज करावेत.

मंत्रिमंडळ सचिवालयात विविध विभागात डेप्युटी फील्ड मॅनेजर पदासाठी रिक्त जागा आहेत. कॉम्प्युटर सायन्स/ITसाठी ८० पदे रिक्त आहेत. इलेक्ट्रॉनिक्स अँड कम्युनिकेशनसाठी ८० पदे रिक्त आहेत. त्यामुळे इच्छुक उमेदवार या नोकरीसाठी अर्ज करु शकतात. एकूण १६० पदांसाठी ही भरती जाहीर करण्यात आली आहे.

या नोकरीसाठी उमेदवारांनी वयोमर्यादा ३० वर्ष निश्चित करण्यात आली आहे. इच्छुक उमेदवारांनी संबंधित विषयात B.E/B.Tech किंवा M.Sc पदवी प्राप्त केलेली असावी.या नोकरीसाठी उमेदवारांनी ऑफलाइन पद्धतीने अर्ज करायचा आहे. या नोकरीसाठी उमेदवारांना ९५००० रुपये मासिक वेतन मिळणार आहे.

या नोकरीसाठी अर्ज करण्यासाठी कोणत्याही प्रकारचे शुल्क आकारले जात नाही. नोकरीचे ठिकाणी दिल्ली असणार आहे. या नोकरीसाठी अर्ज करण्याची शेवटची तारीख २० ऑक्टोबर २०२४ आहे. या नोकरीबाबत संपूर्ण माहिती https://cabsec.gov.in/ या वेबसाइटवर देण्यात आली आहे. या नोकरीसाठी तु्म्हाला इर्ज पोस्ट बॅग नंबर,००१, लोढी रोड हेड पोस्ट ऑफिस, नवी दिल्ली ११०००३ येथे पाठवायचा आहे.

नागपूर महापालिकेत नोकरी

सध्या नागपूर महानगरपालिकेतदेखील नोकरीची सुवर्णसंधी आहे. नागपूर महानगरपालिकेत संगीत शिक्षक आणि क्रिडा टीचर पदासाठी भरती सुरु आहे. या नोकरीसाठी तुम्हाला २५००० रुपये मानधन मिळणार आहे. याबाबत माहिती अधिकृत वेबसाइटवर देण्यात आली आहे.