ESIC Jobs : रेझ्युम आताच तयार करा, परीक्षाशिवाय सरकारी नोकरी, महिना ६७००० रुपये पगार; जाणून घ्या सविस्तर

कर्मचारी राज्य विमा निगममध्ये नोकरी मिळवण्याची सुवर्णसंधी आहे. सरकारी नोकरी करण्याची इच्छा असणाऱ्या तरुणांसाठी ही चांगली संधी आहे. कर्मचारी राज्य विमा निगमअंतर्गत प्रोफेसर, असोसिएट प्रोफेसर, असिस्टंट प्रोफेसर, सुपर स्पेशलिस्ट, सिनियर रेजिडेंट आणि अॅडजंक्ट फॅकल्टीमध्ये स्पेशलिस्ट फॅकल्टी पदासाठी भरती जाहीर करण्यात आली आहे.या भरतीसाठी वॉक इन इंटरव्ह्यू घेण्यात येणार आहे.

कर्मचारी राज्य विमा निगममध्ये एकूण १०४ पदांसाठी भरती जाहीर करण्यात आली आहे. २४ सप्टेंबर ही अर्ज करण्याची शेवटची तारीख असणार आहे. कर्मचारी राज्य विमा निगम भरतीमध्ये नोकरीसाठी वयोमर्यादा निश्चित करण्यात आली आहे. या नोकरीसाठी अर्ज करणाऱ्या उमेदवाराची कमाल वयोमर्यादा ६९ वर्ष आहे. सुपर स्पेशलिस्ट पदासाठी वयोमर्यादा ६७ वर्ष आहे. सिनियर रेजिडेंट पदासाठी वयोमर्यादा ४५ वर्ष असणार आहे.

कर्मचारी राज्य विमा निगममध्ये वॉक इन इंटरव्हयूच्या आधारे उमेदवारांची निवड केली जाणार आहे. मुलाखतीला जाताना उमेदवारांना अर्ज सोबत घेऊन जायचा आहे.

ईएसआयसीमध्ये ज्या उमेदवारांची निवड होईल त्यांना ६७७०० रुपये वेतन मिळणार आहे. याबाबत अधिकृत वेबसाइटवर माहिती देण्यात आली आहे. या नोकरीसाठी वॉक इन इंटरव्हयू उद्या म्हणजेच २४ सप्टेंबर रोजी होणार आहे. या मुलाखतीसाठी तुम्हाला ईएसआयसी, एमसीएच, देसूला, एमआयए, अलवर राजस्थान येथे उपस्थित राहायचे आहे.