नोकरीच्या शोधात असणाऱ्या तरुणांसाठी आनंदाची बातमी आहे. दिल्ली मेट्रोत सरकारी नोकरी करण्याची सुवर्णसंधी तुमच्याकडे आहे. दिल्ली मेट्रोत सध्या मॅनेजर आणि असिस्टंट मॅनेजर पदासाठी भरती जाहीर करण्यात आली आहे. या नोकरीसाठी इच्छुक उमेदवारांनी अर्ज करावेत.

दिल्ली मेट्रोत तुम्हाला मॅनेजर होण्याची चांगली संधी आहे. या नोकरीसाठी अर्जप्रक्रिया सुरु झाली आहे. तुम्ही दिल्ली मेट्रोच्या अधिकृत वेबसाइट delhimetrorail.com वर जाऊन अर्ज करु शकतात. (Delhi Metro Job)

दिल्ली मेट्रो रेल कॉर्पोरेशनमधील या नोकरीसाठी अर्ज करण्याची शेवटची तारीख १ नोव्हेंबर २०२४ आहे. मुदतीपूर्वी या नोकरीसाठी इच्छुक उमेदवारांनी अर्ज करावेत.या नोकरीसाठी अर्ज करणाऱ्या उमेदवाराने मान्यताप्राप्त विद्यापीठातून बी.ई (इलेक्ट्रिकल/मॅकेनिकल) मध्ये डिग्री प्राप्त केलेली असावी. या नोकरीसाठी कमाल वयोमर्यादा ६२ वर्ष निश्चित करण्यात आली आहे.

दिल्ली मेट्रोतील या नोकरीसाठी मॅनेजर पदासाठी ९६,६०० रुपये मासिक वेतन दिले जाणार आहे. तर असिस्टंट मॅनेजर पदासाठी ७५,१००० रुपये वेतन मिळणार आहे.

या नोकरीसाठी उमेदवारांची निवड मुलाखतीद्वारे केली जाणार आहे. उमेदवारांची बुद्धिमत्ता, स्किल, फिजिकल फिटनेस या सर्व गोष्टींच्या आधारे निवड केली जाणार आहे. (Delhi Metro Recruitment)

या नोकरीसाठी तुम्हाला अर्ज अधिकृत वेबसाइटवरुन डाउनलोड करावा लागणार आहे. त्यानंतर त्याला स्पीड पोस्ट किंवा ईमेलद्वारे पाठवावा लागणार आहे. एचआर, दिल्ली मेट्रो कॉर्पोरेशन लिमिटेड, मेट्रो भवन, फायर ब्रिगेड लेन, बाराखंभा रोड, नवी दिल्ली येथे तुम्हाला अर्ज पाठवावा लागणार आहे.