उत्तर प्रदेशात पुन्हा एकदा पोलिस अधिकाऱ्यांच्या बदल्या करण्यात आल्या असून यावेळी 6 आयपीएस अधिकाऱ्यांच्या बदल्यांचे आदेश जारी करण्यात आले आहेत. या बदल्यांमध्ये लखनऊ, कानपूर, मेरठ आणि मुरादाबाद येथील अधिकाऱ्यांचा समावेश आहे. कोणत्या अधिकाऱ्याला कुठे नियुक्ती मिळाली आहे, यादी खालीलप्रमाणे
उत्तर प्रदेश सरकारने आयपीएस अधिकारी रवि शंकर छवी, हरीश चंदर, पूनम, अशोक कुमार, सचिंद्र पटेल आणि यमुना प्रसाद यांची बदली केली आहेत. या अधिकाऱ्यांना लखनऊ, मिर्झापूर, गोंडा, आग्रा आणि कानपूर येथे विविध पदांवर नियुक्त करण्यात आले आहे. आयपीएस रवि शंकर छवी यांची बदली मुख्यालय पोलिस महासंचालक, लखनऊ येथून लोकशिकायत मुख्यालय पोलिस महासंचालक येथे करण्यात आली आहे. तर हरीश चंदर यांची बदली पोलिस उपमहानिरीक्षक, कानपूर येथून भ्रष्टाचार निवारण संघटना, लखनऊ येथे करण्यात आली आहे.
आयपीएस पूनम यांची पोलिस उपमहानिरीक्षक म्हणून मिर्झापूर येथे नियुक्ती करण्यात आली आहे. यापूर्वी त्या पोलिस उपमहानिरीक्षक/प्राचार्य, पीटीएस, मेरठ येथे कार्यरत होत्या. तसेच आयपीएस अशोक कुमार यांना पोलिस उपमहानिरीक्षक पदावर गोंडा येथे पाठविण्यात आले असून ते यापूर्वी सीआयडी, लखनऊ येथे कार्यरत होते.
आयपीएस सचिंद्र पटेल यांची बदली भ्रष्टाचार निवारण संघटना, लखनऊ येथून अपर पोलिस आयुक्त म्हणून पोलिस कमिश्नरेट, आग्रा येथे करण्यात आली आहे. तसेच, आयपीएस यमुना प्रसाद यांची मुरादाबाद येथून पोलिस उपमहानिरीक्षक म्हणून कानपूर येथे बदली करण्यात आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.