ISRO Shared Satellite Images Of Ram Temple

अवकाशातून राम मंदिर कसं दिसतं, असं तुम्हाला पण वाटतं का? नुकतेच इस्रोने अवकाशातून घेतलेले राम मंदिराचे काही छायाचित्रं शेअर केली आहेत. राम मंदिर प्राणप्रतिष्ठेची तयारी जोरात सुरू आहे. अयोध्येतील मंदिरं फुलांनी सजवण्यात आली आहेत. भारतीय अंतराळ संशोधन संस्थेने (इस्रो) मंदिराशी संबंधित काही छायाचित्रे शेअर केली आहेत. (Latest Marathi News)

अयोध्येतील राम मंदिराच्या अभिषेक कार्यक्रमाला फक्त एक दिवस उरलाय. इस्रोने आपल्या स्वदेशी उपग्रहांच्या मदतीने अंतराळातून राम मंदिराची छायाचित्रे घेतली. इस्रोने उपग्रहातून घेतलेली छायाचित्रे शेअर केली आहेत. ज्यामध्ये निर्माणाधीन राम मंदिर स्पष्टपणे दिसत आहे. ही छायाचित्रे गेल्या वर्षी डिसेंबर महिन्यात घेण्यात आली होती.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

इस्रोने उपग्रहाद्वारे घेतलेले राम मंदिराची छायाचित्रं

रिमोट सेन्सिंग सॅटेलाइटवरून घेतलेल्या या छायाचित्रात अयोध्येतील 2.7 एकरमध्ये पसरलेली रामजन्मभूमी दिसतेय. अयोध्येत उभारल्या जाणाऱ्या राम मंदिराचे हे चित्र इस्रोने गेल्या वर्षी 16 डिसेंबरला काढले होते. मात्र, त्यानंतर अयोध्येत दाट धुक्यामुळे इतर छायाचित्रं काढणं कठीण झाले होते.

इस्रोने काढलेल्या उपग्रह छायाचित्रांमध्ये दशरथ महल आणि शरयू नदी स्पष्टपणे दिसत आहे. अयोध्येचे रेल्वे स्थानकही दिसत आहे. सध्या भारताच्या अंतराळात 50 हून अधिक उपग्रह आहेत, त्यापैकी काहींचे रिझोल्यूशन एक मीटरपेक्षा कमी आहे. हैदराबाद येथील भारतीय अंतराळ संस्थेच्या नॅशनल रिमोट सेन्सिंग सेंटरमधून ही छायाचित्रे क्लिक करण्यात आली आहेत.

गर्भगृहात मूर्तीची स्थापना

सोमवारी राम मंदिराच्या भव्य उद्घाटनाची अपेक्षा आणि सार्वजनिक उत्कंठा शिगेला पोहोचली असताना, भारतीय अंतराळ संशोधन संस्था (ISRO) ने अंतराळ उपग्रहातून दिसणार्‍या राम मंदिराची झलक दिली.

राम मंदिराच्या उभारणीच्या अनेक टप्प्यांमध्येही इस्रोच्या तंत्रज्ञानाचा वापर करण्यात आला आहे. ज्यामध्ये रामाची मूर्ती बसवण्यासाठी नेमकी जागा निवडण्याचे मोठं आव्हान होतं. परंतु ट्रस्टची इच्छा होती की, ही मूर्ती जिथे प्रभू रामाचा जन्म झाला. त्या ठिकाणी गर्भगृहाच्या आत 3X6 फूट जागेत ठेवावी. इस्रोचे तंत्रज्ञान डिफरेंशियल ग्लोबल पोझिशनिंग सिस्टम आधारित समन्वय वापरण्यात आले आहेत. ज्यासाठी 1-3 सेंटीमीटरपर्यंतचे अचूक समन्वय तयार केले गेले. ज्यामुळे मंदिराच्या गर्भगृहात मूर्तीच्या स्थापनेचा आधार तयार झाला.