पंतप्रधान नरेंद्र मोदी यांनी काल (१८ जुलै) बिहारमध्ये चार नव्या अमृत भारत एक्स्प्रेस गाड्यांचे उद्घाटन केले. या नवीन एक्स्प्रेस गाड्यांमुळे देशातील उत्तर आणि पूर्व भागातील वाहतूक वाढेल अशी सरकारला आशा आहे. या सेवांचा उद्देश प्रादेशिक जोडणी सुधारण्याचा आणि बिहार तसेच आसपासच्या राज्यांतील नागरिकांना किफायतशीर रेल्वे प्रवासाची सुविधा उपलब्ध करुन देणे असा आहे.

बिहारमधील मोतिहारी येथे पंतप्रधान मोदी एका सार्वजनिक कार्यक्रमात सहभागी झाले होते. या कार्यक्रमामध्ये त्यांनी ७,२००० कोटी रुपयांच्या विविध पायाभूत सुविधा आणि विकास प्रकल्पांचे उद्घाटन केले. या प्रकल्पांमध्ये चार नवीन अमृत भारत एक्स्प्रेस गाड्यांचा देखील समावेश असल्याची माहिती समोर आली आहे.

नव्या मार्गांची घोषणा -

१. राजेंद्र नगर टर्मिनल (पाटणा) ते नवी दिल्ली

२. बापुधाम मोतिहारी ते आनंद विहार टर्मिनल (दिल्ली)

३. दरभंगा ते लखनऊ (गोमती नगर)

४. मालदा टाउन ते लखनऊ (गोमती नगर) मार्गे भागलपूर

पटना-नवी दिल्ली अमृत भारत एक्सप्रेस वेळापत्रक

पटना-नवी दिल्ली अमृत भारत एक्सप्रेस (ट्रेन क्रमांक 22361/22362) ३१ जुलै २०२५ पासून रोजची नियमित सेवा सुरू करणार आहे.

- ट्रेन क्रमांक 22361 राजेंद्र नगर टर्मिनलवरून दररोज संध्याकाळी ७.४५ वाजता सुटेल आणि दुसऱ्या दिवशी दुपारी १.१० वाजता नवी दिल्लीला पोहोचेल.

- ट्रेन क्रमांक 22362 परतीच्या मार्गासाठी १ ऑगस्टपासून नवी दिल्लीहून संध्याकाळी ७.१० वाजता सुटेल आणि दुसऱ्या दिवशी सकाळी ११.४५ वाजता राजेंद्र नगर टर्मिनलला पोहोचेल.

मार्गिका आणि थांबे

पटना आणि नवी दिल्ली दरम्यान चालणारी अमृत भारत एक्स्प्रेस गाझियाबाद, पंडित दीनदयाळ उपाध्याय जंक्शन, गोविंदपुरी, पटना, दानापूर, आरा, दुबेदारगंज आणि बक्सर या स्थानंकावर थांबेल.

कोचची रचना

१. ८ स्लीपर क्लास कोच

२. ११ सामान्य (अनारक्षित) कोच

३. २ सामान-कम-ब्रेक व्हॅन

४. १ पेंट्री कार

तिकीटदर

आयआरसीटीसीने दिलेल्या माहितीनुसार, पटना-नवी दिल्ली अमृत भारत एक्स्प्रेसचे स्लीपर क्लासचे भाडे ५६० रुपये आहे. त्याच मार्गावर चालवल्या जाणाऱ्या इतर गाड्यांच्या भाड्यांच्या तुलनेत अमृत भारत एक्स्प्रेसचे तिकीट किंचित जास्त आहे. इतर गाड्यांच्या स्लीपर क्लासचे तिकीट सरासरी ५२० रुपये आहे.

पटना ते नवी दिल्ली मार्ग हा या कॉरिडॉरवरील पहिली अमृत भारत रेल्वेसेवा असणार आहे, यामध्ये खालील मार्गांचा समावेश असेल.

१. दरभंगा ते आनंद विहार टर्मिनल (दिल्ली)

२. मालदा टाउन ते एसएमव्हीटी बेंगळुरू

३. मुंबई एलटीटी ते सहरसा

काल पंतप्रधान नरेंद्र मोदी यांनी तीन नव्या अमृत भारत एक्स्प्रेस गाड्यांना हिरवा कंदील दाखवला. यात

१. बापुधाम मोतिहारी ते आनंद विहार टर्मिनल (दिल्ली)

२. दरभंगा ते लखनऊ (गोमती नगर)

३. मालदा टाउन ते लखनऊ (गोमती नगर) भागलपूर मार्गे

या अमृत भारत एक्स्प्रेस गाड्यांचा समावेश आहे.