धावत्या जगात नैराश्याचं प्रमाण वाढलंय. आणि या नैराश्यात महिलांपेक्षा पुरुषांनी आघाडी घेतलीये. तशी धक्कादायक आकडेवारीच समोर आली. मानवी आरोग्यासंबंधी समस्या सोडवण्यासाठी आरोग्य विभागानं सुरु केलेल्या टेलिमानस या हेल्पलाईनवर कॉल करुन मदत घेणाऱ्यांमध्ये महिलांपेक्षा पुरुषांची सध्या ७० टक्के इतकी असल्याची धक्कादायक आकडेवारीच समोर आली.

1.

महिलांपेक्षा पुरुष अधिक नैराश्यात

पुरुष 67.99 %

महिला 31.50 %

2.

महिलांपेक्षा पुरुष अधिक नैराश्यात

हेल्पलाईनवर 10 पैकी 7 फोन

पुरुषांचे

3.

महिलांपेक्षा पुरुष अधिक नैराश्यात

हेल्पलाईनवर मदत मागणाऱ्यांमधील शहरं

प्रथम कोल्हापूर

दुसरं पुणे

तिसरं मुंबई

महिलांपेक्षा पुरुष अधिक नैराश्यात

वयोगट टक्के

12 वर्षांपर्यंत 1.4%

13 के 17 6.5%

18 ते 45 71.1%

46 ते 64 16.4%

65 वयोगटावरील 4.6%

या हेल्पलाईनवर 10 पैकी 7 फोन हे पुरुषांचे येत असल्याची माहिती समोर आली आणि यात राज्यभरात कोल्हापुरातून सर्वाधिक मदतीसाठी फोन आल्याचं समोर आलंय. तर पुणे दुसऱ्या स्थानी असून मुंबई तिसऱ्यास्थानी आहे. तसंच मदतीसाठी कॉल करणाऱ्यांमध्ये तरुणांचे प्रमाण हे सगळ्यात जास्तयं. त्यामुळे 18 ते 45 वयोगटातील पुरुष हे पिचलेल्या अवस्थेत असून नैराश्येच्या गर्तेत सापडत असल्याचं दिसतं. त्यामुळे महिलाआयोगाच्या धर्तीवर पुरुष आयोग स्थापन करा अशी मागणी होऊ लागलीये.

हल्ली पुरुषांवर होणाऱ्या अत्याचारांच्या घटनांमध्ये वाढ झालीये. अनेक पुरुषांना पत्नीनं छळल्याचे, त्यांना मारल्याचे, अगदी जीवे मारल्याच्या घटना रोजच समोर येतायेत. अनेक महिलांनी आपल्या पतीला प्रियकरांसाठी निर्घृण मारल्याचं समोर आलंय. त्यामुळे कौटुंबिक आणि कामाच्या ठिकाणी असलेल्या तणाव आणि स्पर्धात्मक सुप्त संघर्षांमध्ये पुरुषांची घालमेल होत असल्याचं दिसतंय.

कौटुंबिक तानतणावामुळे नैराश्यातून अनेक उच्चशिक्षित तरुणांनी आत्महत्या केल्याच्या अनेक घटना याआधी घडल्याआहेत त्यामुळे नैराश्येत जाणं हे गंभीर जरी असलं तरी ते ओळखणं फार महत्वाचं आहे. नेमकी काय लक्षणं आहेत नैराश्याची पाहूयात

नैराश्याची लक्षणं काय?

थकवा येणे

झोप न लागणं

चीडचीड होणं, अस्वस्थता वाढणं

उदास वाटणे, भूक लागणं किंवा कमी होणं

जर तुम्हाला यापैकी काही लक्षणं असतील तर तुम्ही ताबडतोब वैद्यकीय तज्ञांचा सल्ला घ्या. आणि वेळीच उपचार करुन घ्या. कारण 21 व्या शतकातील सर्वात तरुणांचा देश असणारा भारतात तरुणांमध्ये वाढणारं नैराश्य हे अतिशय चिंताजनक आहे. मात्र पुरूषांवरील वाढणारे अत्याचार आणि वाढलेल्या नैराश्यामुळे आता पुरूष हक्क आयोगाची स्थापना करण्याची वेळ आली आहे की काय ? असा प्रश्न उपस्थित करण्यात येतोय.