MP Gas Leak News: मध्य प्रदेशमधून एक दुर्देवी घटना समोर आली आहे. मध्यप्रदेशच्या मुरेनामध्ये एका फूड फॅक्टरीमध्ये गॅस गळती झाली. या घटनेत फॅक्टरीत काम करणाऱ्या पाच कामगारांचा दुर्देवी मृत्यू झाला आहे. घटनेने परिसरात एकच खळबळ उडाली असून पोलीस आणि अग्रिशामक दलाचे जवान परिसरात दाखल झाले आहेत. (MP Gas Leak)

याबाबत समोर आलेल्या माहितीनुसार, मुरेना जिल्ह्यातील जरेरुआ परिसरात साक्षी फूड कंपनीची (Sakshi Food Fectory) फॅक्टरी आहे. बुधवार (३०, ऑगस्टल) कारखान्यातील 9 फूट खोल टाकी साफ करण्यासाठी दोन मजूर उतरले होते. टाकीतील विषारी वायूची गळती झाल्याने दोन्ही मजुरांना त्रास होऊ लागला.

प्रकृती बिघडल्याने त्या दोघांन वाचवण्यासाठी आणखी तीन मजूर एकापाठोपाठ एक टाकीत उतरले. दुर्देवाने टाकीमध्ये उतरलेल्या सर्व ५ मजुरांचा मृत्यू झाला. मृतांमध्ये तीन सख्ख्या भावांचाही समावेश आहे.

या घटनेची माहिती मिळताच पोलीस अधिकारी आणि अग्निशमन दलाच्या गाड्या घटनास्थळी दाखल झाल्या आहेत. मृत मजुरांचे मृतदेह पोस्टमॉर्टमसाठी पाठवण्यात आले आहेत. रक्षाबंधनाच्या पवित्र दिनी पाच जणांवर काळाने घाला घातल्याने परिसरात हळहळ व्यक्त केली जात आहे. (Latest Marathi News)