Delhi News: दिल्लीमध्ये (Delhi) अ‍ॅमेझॉनच्या मॅनेजरची डोक्यामध्ये गोळ्या झाडून हत्या (Amazon Manager Killed In Delhi) करण्यात आल्याची धक्कादायक घटना समोर आली आहे. ईशान्य दिल्लीतील भजनपुरा परिसरातील सुभाष विहार येथे ही घटना घडली. अ‍ॅमेझॉनचा मॅनेजर त्याच्या मामासोबत दुचाकीवरुन जात होता. त्याचवेळी ५ जणांनी त्यांची दुचाकी रस्त्यात अडवली आणि त्यांच्यावर गोळीबार केला. डोक्यात गोळी लागल्याने अ‍ॅमेझॉनच्या मॅनेजरचा जागीच मृत्यू झाला. तर त्याचा मामा गंभीर जखमी झाला असून त्याच्यावर रुग्णालयात उपचार सुरु आहेत.
मिळालेल्या माहितीनुसार, हरप्रीत सिंग (३६ वर्षे) असं हत्या करण्यात आलेल्या अ‍ॅमेझॉनच्या मॅनेजरचे नाव आहे. मंगळवारी हरप्रीत सिंग हा आपला मामा गोविंद यांच्यासोबत दुचाकीवरुन जात होता. त्याचवेळी ५ जणांच्या टोळक्यांनी रस्त्यात त्यांची गाडी अडवली. त्यानंतर दोघांवर देखील गोळीबार करण्यात आला. हरप्रीतच्या डोक्यामध्ये गोळी मारण्यात आली असून त्याचा जागीच मृत्यू झाला. तर त्याचा मामा गोविंदा यांना देखील गोळी लागल्यामुळे ते गंभीर जखमी झाले आहेत.
हल्ला केल्यानंतर ५ ही हल्लेखोरांनी घटनास्थळावरुन पळ काढला. घटनेची माहिती मिळताच पोलिसांनी घटनास्थळी धाव घेत तपास सुरु केला. पोलिसांनी जखमी गोविंद यांना तात्काळ रुग्णालयात उपचारासाठी दाखल केले. पण त्यांची प्रकृती चिंताजनक असल्यामुळे त्यांना उपचारासाठी गुरुतेग बहादुर रुग्णालयात हलवण्यात आले.
गोळीबाराची ही घटना घटनास्थळी लावण्यात आलेल्या सीसीटीव्हीत कैद झाली आहे. या सीसीटीव्ही फूटेजच्या माध्यमातून पोलीस आरोपींचा शोध घेत आहेत. पोलिसांनी या गोळीबार प्रकरणात ५ जणांविरोधात गुन्हा दाखल केला आहे. याप्रकरणाचा दिल्ली पोलिसांकडून शोध सुरु आहे. हरप्रीत सिंगचे काका अक्षय यांनी सांगितले की, 'त्याच्या डोक्यात गोळी झाडण्यात आली होती. हे का घडले ते मला माहीत नाही. त्याचे कोणाशीही वैर नव्हते. मी पोलिसांना सीसीटीव्हीचे दृश्य तपासण्याची विनंती केली आहे.'
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.