देशातील 5 राज्यातील विधानसभा निवडणुकीचा निकाल आज जाहीर झाला असून केरळ आणि तामिळनाडू सोडून भाजपचा मोठा विजय झाला आहे. कॉँग्रेसप्रणीत युडीएफ आघाडीने केरळमध्ये 94 जागांवर आघाडी घेतली असून बहुमताच्या आकड्याच्या पुढे ही संख्या पोहोचली आहे. तर सत्ताधारी माकप 41 जागांवर आघाडी आहे. तर भाजपला फक्त एका जागेवर आघाडी घेता आली आहे.

मतदान झाल्यानंतर आलेल्या एक्झीट पोलमध्ये कॉँग्रेसप्राणित युनायटेड डेमोक्रेटिक फ्रंट (UDF) आघाडीचे सरकार स्थापन होऊ शकते, असा अंदाज वर्तविण्यात आला होता. विद्यमान मुख्यमंत्री पिनराई विजयन यांच्या नेतृत्वाखाली लेफ्ट डेमोक्रेटिक फ्रंटचा पराभव होईल, असाही अंदाज एक्झिट पोल्सनी वर्तवला होता.

डाव्यांचा शेवटचा गड ढासळला

यापूर्वी डाव्या पक्षांनी बंगालमध्ये 1977 ते 2011 मध्ये एकहाती सत्ता मिळवली. त्रिपुरा राज्यात 1993 ते 2018 पर्यंत सत्ता काबिज केली. तर केरळमध्ये युडीएफ आणि एलडीएफ यांची आलटून पालटून सत्ता येत होती. 2021 च्या निवडणुकीत पिनराई विजयन यांच्या नेतृत्वाखाली डाव्या आघाडीने सलग दुसऱ्यांदा विधानसभा निवडणुकीत लाल झेंडा फडकवला. आता या निकालाने माकपला सुरुंग लागला असून देशभरात एकाही राज्यात त्यांचे सरकार नसणार आहे.

UDF मधील पक्ष कोणते?

कॉँग्रेस

इंडियन युनियन मुस्लिम लीग (IUML)

केरळ कॉँग्रेस

रिव्होल्युशनरी सोशालिस्ट पार्टी (RSP)

केरळ कॉँग्रेस (जॅकब)

रिव्होल्युशनरी मार्क्सीस्ट पार्टी ऑफ इंडिया (RMPI)

LDF मध्ये कोणते पक्ष आहेत?

भारतीय कम्युनिस्ट पक्ष (मार्क्सवादी) CP(M)

भारतीय कम्युनिस्ट पक्ष(CPI)

राष्ट्रीय जनता दल (RJD)