गोवा येथील काँग्रेसच्या कार्यक्रमाआधी वॉर सुरू झालाय. तुम्ही-आपण आधी बॅनरवॉर, शाब्दिक युद्ध असं काही ऐकलं असेल. परंतु गोव्यातील राजकारणात पारंपारिक टीका टिप्पणीला फाटा देत थेट गेम वॉर सुरू झाला आहे. 'खोखा रन' (Khokha Run) या उपहासात्मक गेमद्वारे काँग्रेस पक्षाला टार्गेट करण्यात आले आहे. या गेममध्ये गोवा काँग्रेसचे अध्यक्ष गिरीश चोडणकर यांच्यासारखे दिसणारे एक व्यंगचित्र वापरण्यात आले आहे. तसेच काही आमदारकीसाठी निवडणुकीत उभे राहणारे उमेदवार दाखवण्यात आले आहेत. दरम्यान हा गेमवॉर राजकीय वर्तुळात चर्चेचा विषय ठरलाय.

आगामी 'गोय राखण यात्रे'ची गोव्यात जोरदार तयारी सुरू आहे. मात्र त्याआधी एका नव्या डिजिटल गेमने राजकीय वर्तुळाचे लक्ष वेधून घेतलंय. 'खोका रन' (Khokha Run) नावाचा हा उपहासात्मक गेम इंटरनेटवर लाँच करण्यात आला असून यातून गोवा काँग्रेसच्या सद्यस्थितीवर आणि तिकीट वाटपाच्या प्रक्रियेवर खोचक टीका करण्यात आलीय. या उपहासात्मक गेमद्वारे पक्षाला लक्ष्य करण्यात आले आहे. या खेळात गोवा काँग्रेसचे अध्यक्ष गिरीश चोडणकर यांच्यासारखे दिसणारे एक व्यंगचित्र वापरण्यात आले आहे.

तसेच हा खेळ आमदारांच्या संभाव्य उमेदवारांना पक्षाची तिकिटे विकल्याच्या आरोप करण्यात आलाय. त्यामुळे गोव्याच्या राजकारणात सुरू झालेलं गेम वॉर सोशल मीडियावर चर्चाचा विषय ठरलाय.

काय आहे 'खोखा रन' गेम

खोखा रनमध्ये, खेळाडूंना एक व्यंगचित्र श्रीमंत इच्छुकांना निवडणुकीची तिकिटे वाटताना दिसते, तर सामान्य पक्ष कार्यकर्त्यांना बाजूला सारले जाते. खेळाडूंना शक्य तितकी "तिकिटे" गोळा करण्यासाठी मर्यादित वेळ मिळतो आणि त्यांचे गुण एका थेट लीडरबोर्डवर दाखवले जातात.

या खेळाच्या निर्मात्यांनी लीडरबोर्डवर अव्वल स्थान मिळवणाऱ्या खेळाडूंसाठी आठवड्याला बक्षिसांचीही घोषणा केलीय. हा खेळ 'खोखा रन' (Khokha Run) या संकेतस्थळावर उपलब्ध असून तो '४ खोखे तिकीट ओके' (4 KhokheTicketOk) नावाच्या एका मोठ्या उपहासात्मक प्लॅटफॉर्मशी जोडलेला आहे. हे नाव "४ खोखे, तिकीट ओके" (4 Khokhe, Ticket OK) या विबंडन घोष वाक्यावर आधारित आहे. यातून पैसा आणि राजकीय तिकिटांचे वाटप यांच्याशी संबंधित आरोपांवर उपहासात्मक भाष्य करण्यात आले आहे.

निर्मात्यांच्या मते, पारंपरिक राजकीय संदेशांऐवजी गेमिंग, विनोद आणि उपरोधाच्या माध्यमातून प्रेक्षकांशी संवाद साधणे हा या उपक्रमामागील उद्देश आहे. नागरिकांना गेममध्ये सहभागी होण्याचे, लीडरबोर्डवरील आव्हानात भाग घेण्याचे आणि या उपरोधिक डिजिटल कंटेंटबाबत आपल्या प्रतिक्रिया ऑनलाइन शेअर करण्याचे आवाहन करण्यात आले आहे.

हा गेम 'Khokha Run' च्या अधिकृत वेबसाईटवर उपलब्ध असून, तो '4 KhokheTicketOk' (४ खोखे, तिकीट ओके) या प्लॅटफॉर्मशी जोडलेला आहे. "४ खोखे, तिकीट ओके" या विनोदी घोषणेतून काँग्रेसमधील पैशांचा कथित खेळ, तिकीट वाटप आणि जमिनींच्या वादांवर प्रहार करण्यात आला आहे.

पारंपरिक राजकीय प्रचाराला फाटा देत, गेमिंग, विनोद आणि उपहासाच्या (Satire) माध्यमातून लोकांपर्यंत पोहोचण्याचा निर्मात्यांचा उद्देश आहे. सध्या हा गेम इंटरनेटवर चांगलाच व्हायरल होत असून, नेटकरी लीडरबोर्डवर येण्यासाठी हा गेम खेळत आहेत आणि आपल्या प्रतिक्रिया सोशल मीडियावर शेअर करत आहेत.