ममता बॅनर्जींच्या पक्षाला मिळालं नवं नाव अन् चिन्ह; पक्ष-चिन्हाच्या लढाईत निवडणूक आयोगाचा मोठा निर्णय

निवडणूक आयोगाने टीएमसी (TMC) वादाबाबत एक नवीन आदेश जारी केला आहे. या नवीन आदेशानुसार, दोन्ही गटांना नवीन नाव आणि नवीन निवडणूक चिन्ह देण्यात आले आहे. तृणमूल काँग्रेसमधील फुटीच्या पार्श्वभूमीवर आयोगाने १८ सप्टेंबर रोजी हा महत्त्वपूर्ण आदेश जारी केला. १७ सप्टेंबर रोजी पक्षाचे नाव आणि 'फूल व गवत' हे चिन्ह गोठवल्यानंतर आयोगाने अंतरिम आदेश जारी केला आहे. अरूप रॉय आणि रितब्रत बॅनर्जी यांच्या गटाला 'डेमोक्रॅटिक तृणमूल काँग्रेस' हे नाव आणि 'लिफाफा' (Envelope) हे निवडणूक चिन्ह देण्यात आले आहे.ममता बॅनर्जी यांच्या गटाला 'ममता ऑल इंडिया तृणमूल काँग्रेस' हे नवीन नाव आणि 'फुटबॉल खेळाडू' (Football Player) हे निवडणूक चिन्ह देण्यात आले आहे. हे दोन्ही गट पश्चिम बंगाल, मेघालय आणि त्रिपुरामध्ये मान्यताप्राप्त पक्ष म्हणून ओळखले जातील.