Hemant Soren ED inquiry SAAM TV
देश विदेश

Hemant Soren : झारखंडचे CM हेमंत सोरेन यांचे पाय आणखी खोलात; ED अधिकारी सकाळी सकाळी घरी पोहोचले

Hemant Soren Latest News : ईडीचे अधिकारी सोमवारी सकाळीच हेमंत सोरेन यांच्या दक्षिण दिल्लीतील शांती निकेतन स्थित निवासस्थानी पोहोचले. त्यांची चौकशी सुरू असल्याचे सांगण्यात येत आहे.

Nandkumar Joshi

ED team at Hemant Soren Delhi residence :

कथित जमीन घोटाळा प्रकरणात झारखंडचे मुख्यमंत्री हेमंत सोरेन यांच्या अडचणी वाढल्या आहेत. अंमलबजावणी संचालनालयाचे (ED) पथक सोमवारी सकाळीच दिल्लीत हेमंत सोरेन यांच्या निवासस्थानी पोहोचले. सोरेन हे घरीच असल्याचे सूत्रांकडून समजते. ईडीचे पथक त्यांच्या निवासस्थानी पोहोचल्याने हालचाली वाढल्या असून, दिल्ली पोलीस आणि निमलष्करी दल तैनात असून, सोरेन यांच्या अटकेची शक्यता व्यक्त केली जात आहे.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

ईडीचे (ED) अधिकारी सोमवारी सकाळीच हेमंत सोरेन (Hemant Soren) यांच्या दक्षिण दिल्लीतील शांती निकेतन स्थित निवासस्थानी पोहोचले. त्यांची चौकशी सुरू असल्याचे सांगण्यात येत आहे. सोरेन यांनी स्वतःच चौकशीसाठी तपास यंत्रणेला वेळ दिली होती की अचानक ईडीचे पथक चौकशीसाठी त्यांच्या घरी पोहोचले हे अद्याप स्पष्ट होऊ शकलेले नाही.

याआधी २० जानेवारी रोजी रांची येथे सोरेन यांच्या घरी ईडीने तब्बल सात तास त्यांची चौकशी केली होती. दुसरीकडे, झारखंड (Jharkhand) येथील सत्ताधारी पक्ष झामुमो कार्यकर्ते गेल्या अनेक दिवसांपासून रस्त्यावर उतरून याविरोधात संताप व्यक्त करत आहेत. त्या पार्श्वभूमीवर रांचीमध्येही सोरेन यांच्या निवासस्थानाच्या परिसरात सुरक्षा व्यवस्था तैनात करण्यात आली आहे.

ईडीने मागितली होती वेळ

ईडीने २२ जानेवारी रोजी सोरेन यांना समन्स बजावले होते. २७ ते ३१ जानेवारी दरम्यान चौकशीसाठी वेळ मागितली होती. सोरेन यांनी एक पत्र ईडीला पाठवले होते. चौकशीसाठी वेळ सांगण्याबाबत त्यात उल्लेख होता. त्यानंतर ईडीने पुन्हा २५ जानेवारीला मेलद्वारे सोरेन यांना वेळ देण्याबाबत कळवले होते. जर त्यांनी वेळ दिला नाही तर, तपास अधिकारी त्यांच्या निवासस्थानी जाऊन चौकशी करतील, असंही नमूद केलं होतं.

सोरेन शनिवारीच दिल्लीत पोहोचले

मुख्यमंत्री सोरेन हे शनिवारी रात्रीच दिल्लीला रवाना झाले होते. दिल्लीत त्यांनी कायदेशीर बाबींवर सल्लामसलत केल्याचे सांगण्यात येत आहे. सोरेन हे ईडीच्या अधिकाऱ्यांना चौकशीसाठी २९ जानेवारीऐवजी ३१ जानेवारीची वेळ देण्याची शक्यता व्यक्त केली जाते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shocking : भांडणानंतर रागाच्या भरात बायको घर सोडून गेली, नंतर नवऱ्यानं आई आणि मुलांसह जे केलं ते पाहून सारेच हादरले

Eating Too Fast: घाईघाईत जेवल्याने काय होतं?

Kharadi Rave Party: पार्टीत ड्रग्ज सापडलं..;पुण्यातील रेव्ह पार्टीवर मुख्यमंत्र्यांची पहिली प्रतिक्रिया

गाणं लावण्यावरून वाद; शिंदेंच्या नेत्याकडून तरूणावर प्राणघातक हल्ला, काळंनिळं होईपर्यंत मारलं

Maharashtra Live News Update: पुण्यातील रेव्ह पार्टी प्रकरण; सर्व आरोपींना दोन दिवसांची पोलीस कोठडी

SCROLL FOR NEXT