सचिन गाड, मुंबई

३४००० कोटींच्या बँक घोटाळ्या प्रकरणी सीबीआयने मोठी कारवाई केली आहे. याप्रकरणी सीबीआयने डीएचएफएलचे माजी संचालक धीरज वाधवन यांना अटक केली. धीरज वाधवनला अटक करत दिल्लीतील विशेष न्यायालयात हजर करण्यात आले. न्यायालयाने त्यांची रवानगी न्यायालयीन कोठडीमध्ये केली आहे.

डीएचएफएलचे माजी संचालक धीरज वाधवान यांना सीबीआयने सोमवारी रात्री अटक केली. ३४००० कोटी रुपयांच्या बँक घोटाळ्या प्रकरणी त्यांना अटक करण्यात आली. याप्रकरणी सीबीआयने आरोपपत्र दाखल केले आहे. आज त्यांना दिल्ली विशेष कोर्टात हजर करण्यात आले होते. न्यायालयाने धीरज वाधवान यांना न्यायालयीन कोठडी सुनावली आहे.

सीबीआयने ३४००० कोटी रुपयांच्या १७ बँकांच्या कन्सोर्टियमच्या घोटाळ्याप्रकरणी यापूर्वीच गुन्हा दाखल केला आहे. देशातील बँकिंग इतिहासातील ही सर्वात मोठी फसवणूक मानली जात आहे. याआधीही सीबीआयने येस बँक घोटाळ्याप्रकरणी धीरज वाधवनला अटक केली होती आणि सध्या ते जामिनावर बाहेर होते आहे. पण आता त्यांना सीबीआयने बँक घोटाळा प्रकरणात अटक केली.

सीबीआयने याप्रकरणी २०२२ मध्ये त्यांच्याविरुद्ध आरोपपत्र दाखल केले होते. अधिकाऱ्यांनी सांगितले की, येस बँक घोटाळा प्रकरणात वाधवनला यापूर्वी एजन्सीने अटक केली होती आणि ते जामिनावर बाहेर होते. सीबीआयने 17 बँकांच्या कन्सोर्टियमद्वारे ३४००० कोटी रुपयांच्या कथित फसवणुकीशी संबंधित डीएचएफएल प्रकरणाची नोंद केली होती.