राष्ट्रपती द्रौपदी मुर्मू यांनी पंतप्रधानांच्या सल्ल्यानुसार केंद्रीय शिक्षणमंत्री धर्मेंद्र प्रधान यांचा राजीनामा स्वीकारला आहे. त्याचबरोबर पंतप्रधानांच्या सल्ल्यानुसार राष्ट्रपतीनी केंद्रीय मंत्री प्रल्हाद जोशी यांना त्यांच्या विद्यमान खात्यांसह शिक्षण मंत्रालयाचा अतिरिक्त कार्यभार देण्याचे निर्देश दिले आहेत. यामुळे प्रल्हाद जोशी आता आपल्या सध्याच्या मंत्रालयासोबतच शिक्षण मंत्रालयाची जबाबदारीही सांभाळणार आहेत.

प्रल्हाद जोशींकडे आधीपासूनच ही मंत्रालये

धर्मेंद्र प्रधान यांच्या राजीनाम्याला मंजूरी मिळाल्यानंतर आता प्रल्हाद जोशी आपल्या मंत्रालयांच्या जबाबदाऱ्यांसोबततच आता शिक्षण मंत्रालायचा अतिरिक्त कार्यभार सांभाळणार आहेत. जोशी सध्या अन्न व सार्वजनिक वितरण, ऊर्जा आणि ग्राहक व्यवहार मंत्रालयाचे मंत्री आहेत. दरम्यान, राजीनाम्यानंतर प्रधान यांनी राष्ट्रसेवा हीच माझ्या जीवनाची सर्वोच्च प्राथमिकता आहे, असे म्हणाले.

राजीनाम्यानंतर त्यांच्या निवासस्थानी नेत्यांची मोठी गर्दी झाली होती. केंद्रीय गृहमंत्री अमित शाह, केंद्रीय मंत्री पीयूष गोयल, माजी खासदार रमेश बिधुरी, दिल्लीच्या मुख्यमंत्री रेखा गुप्ता, तसेच केंद्रीय मंत्री डॉ. जितेंद्र सिंह यांच्यासह भाजप आणि एनडीएतील अनेक वरिष्ठ नेते व मंत्री त्यांच्या घरी भेट देऊन त्यांच्याशी चर्चा केली.