दिल्ली सरकारच्या शपथविधीबाबत मोठी अपडेट हाती आली आहे. दिल्लीच्या मुख्यंमत्र्यांच्या शपथविधीची तारीख समोर आली आहे. दिल्लीचे नवे मुख्यमंत्री रामलीला मैदानात शपथविधी होणार आहे. शपथविधी सोहळ्याआधी म्हणजे १७ फेब्रुवारी रोजी भाजपच्या आमदारांची बैठक होणार आहे.

भाजपने सोमवारी आमदारांची बैठक बोलवली आहे. या बैठकीत मुख्यमंत्र्यांच्या नावावर शिक्कामोर्तब होणार आहे. या बैठकीबाबत सर्व आमदारांना सूचना देण्यात आल्या आहेत. ही बैठक दिल्लीच्या प्रदेश कार्यालयात होणार आहे. तसेच १९ फेब्रुवारी रोजी संघ कार्यालयाचं उद्घाटन होणार आहे. या कार्यक्रमाला भाजपचे मुख्यमंत्री सहभागी होणार आहेत.

निकालाच्या १० दिवसांनी होणार शपधविधी होणार

दिल्लीच्या विधानसभा निवडणुकीच्या निकालानंतर १० दिवसांनी दिल्लीच्या मुख्यमंत्र्यांचा शपधविधी होणार आहे. दिल्लीत ५ फेब्रवारी रोजी विधानसभा निवडणुकीसाठी मतदान झालं. त्यानंतर ८ फेब्रुवारी रोजी निकाल जाहीर झाला. निकालाच्या एका आठवड्यानंतरही मुख्यमंत्र्यांच्या नावाची घोषणा झालेली नाही.

दिल्लीच्या मुख्यमंत्रिपदाचा सस्पेन्स संपणार आहे. सोमवारी दिल्लीच्या आमदारांची बैठक होणार आहे. या बैठकीत दिल्लीच्या मुख्यमंत्र्यांच्या नावाची घोषणा होणार आहे. नवे मुख्यमंत्री पुढील पाच वर्षांसाठी दिल्लीची सत्ता सांभाळणार आहे.

कोण होणार मुख्यमंत्री ?

दिल्लीच्या मुख्यमंत्रिपदाबाबत जोरदार चर्चा सुरु झाली आहे. दिल्लीच्या मुख्यमंत्र्यांच्या शर्यतीत अनेकांची नावे आहेत. दिल्लीतील ४८ आमदारांपैकी एक दिल्लीचा मुख्यमंत्री होणार असल्याचं बोललं जात आहे. त्यामुळे उद्या म्हणजे १७ फेब्रुवारी रोजी दिल्लीचा मुख्यमंत्री ठरणार आहे. त्यामुळे साऱ्यांचं लक्ष उद्या होणाऱ्या भाजपच्या बैठकीकडे लागलं आहे.