Shraddha Walker case : पालघरच्या श्रद्धा वालकर हत्या प्रकरणाचा तपासात नवनवीन खुलासे समोर येत आहे. देशाला हादरवून सोडणाऱ्या घटनेतील आरोपी आफताब पूनावालाचे क्रौर्य हळूहळू समोर येत आहे. श्रद्धाच्या हत्येनंतर आफताब अमीन पूनावालाचे कुटुंब गायब झाल्याचे समोर आलं आहे. त्यानंतर पोलिसांनी आफताबच्या कुटुंबाला त्याच्या कृत्याची माहिती होती, असा संशय वसई पोलिसांनी व्यक्त केला आहे. (Latest Marathi News)

पोलिसांनी दिलेल्या माहितीनुसार, आफताब पुनावालाचं कुटुंब सध्या गायब आहे. हत्या केल्यानंतर आफताब हा श्रद्धाचे एटीएम व डेबिट कार्ड वापरत होता. श्रद्धाच्या हत्येनंतर सध्या आफताबचे कुटुंब वसई माणिकपूर पोलिसांच्या देखील संपर्कात नाही. जेव्हा आफताबला पोलिासांनी जवाब नोंद करण्यासाठी बोलाविले होते. तेव्हापासून आफताबचं कुटुंब गायब झालं आहे. त्याचं कुटुंब अज्ञात ठिकाणी स्थलांतरीत झालं आहे.

आफताबच्या कुटुंबानं पोलिसांना (Police) न कळवता त्यांनी दुसऱ्यांना घर भाडे तत्वावर दिलं आहे. पोलिसांना संशय आहे की, आफताबच्या कुटुंबाला त्याच्या कृत्याची माहिती होती, त्यामुळे त्यांनी घाईघाईत घर बदली केले आहे. आफताबने श्रद्धाची हत्या केल्यानंतर आफताब तिचे एटीएम कार्ड, क्रेडिट कार्ड वापरत होता, अशी माहिती माणिकपूर पोलिसांनी दिली आहे.

दिल्ली पोलीस करणार आफताबची नार्को टेस्ट

श्रद्धा हत्या प्रकरणात पोलिसांना मृतदेहाचे तुकडे मिळाल्यानंतर पोलीस पुन्हा एकदा आरोपी आफताबला घेऊन रात्री त्याच्या घरी तपासासाठी गेले. यावेळी पोलिसांना त्याच्या घरी रक्ताचे डाग मिळाले आहेत.

श्रद्धा हत्येप्रकरणी आता दिल्ली (Delhi) पोलीस आफताबची नार्को टेस्ट करणार आहे. न्यायालयाने दिल्ली पोलिसांना आफताबची नार्को टेस्ट करण्याची परवानगी दिली आहे. श्रद्धा हत्येप्रकरणी दिल्ली पोलिसांनी आफताबची नार्को टेस्ट करण्याची परवानगी न्यायालयाकडे मागितली होती. त्यानंतर न्यायालयाने सदर परवानगी दिली.