बांगलादेशात गेल्या काही दिवसांपासून हिंसाचाराचा भडका उडाला आहे. संपूर्ण देशात यादवी माजली आहे. पंतप्रधान शेख हसीना यांनी राजीनामा देऊन भारतात आश्रय घेतला आहे. त्यावर आज परराष्ट्रमंत्री एस. जयशंकर यांनी राज्यसभेत प्रतिक्रिया दिली आहे. बांगलादेशमध्ये अल्पसंख्याक नागरिकांवर होणारे हल्ले चिंता वाढवणारी आहे. हिंसाचाराच्या घटना वाढल्यानंतर शेख हसीना यांनी भारतात येण्याची परवानगी मागितली होती. बांग्लादेशच्या लष्कर प्रमुखांनी वक्तव्यानंतर सीमेवर सुरक्षा वाढवली असून प्रत्येकाची चौकशी केली जात असल्याचं त्यांनी सांगितलं.
आम्ही बांगलादेशमधील भारतीय नागरिकांच्या संपर्कात आहोत.बांग्लादेशात जुलै महिन्यापासून हिंसाचार सुरू आहे. तिथे पोलिसांवर हल्ले केले गेले. सुप्रीम कोर्टाच्या निकालानंतर देखील हल्ले सुरूच होते. हिंदू अल्पसंख्याकांना लक्ष बनवलं गेलं. काल दुपारी शेख हसीना यांनी पंतप्रधान पदाचा राजीनामा दिला आणि त्या काल सायंकाळी दिल्लीत पोहोचल्याचंही त्यांनी सांगितलं.
दरम्यान बांगलादेश हिंसाचार आणि शेख हसीना यांनी भारतात आश्रय घेतल्यानंतर भारत बांगलदेश सीमेवर हायअलर्ट जारी करण्यात आली आहे. सीमेवरील रसदही वाढवण्यात आली असून कसून चौकशी केली जात आहे. सीमेवर भारतीय सैनदलाचा जागता पहारा ठेवला आहे.भारत सरकार लष्करप्रमुखांच्या संपर्कात आहे. बांगलादेशमधील प्रभारी सरकार भारतीय उच्चायुक्तालय आणि अल्पसंख्याकांना सुरक्षा प्रदान करेल, असी आशा असल्याचं ते म्हणाले.
शेख हसीना आणखी काही दिवस भारतात राहू शकतात. मात्र, या काळात त्या हिंडन एअरबेसमधून बाहेर पडणार नाहीच. त्यांच्यासाठी हिंडन एअरबेसवरील गेस्ट हाऊसमध्येच राहण्याची व्यवस्था करण्यात आली आहे. बांगलादेश सोडताना हसीनाचे काही नातेवाईकही त्यांच्यासोबत आले असून ते लंडनला रवाना झाले आहेत. तर शेख हसीना कुठे जाणार हे अद्याप ठरलेले नसल्याची सूत्रांची माहिती आहे. त्या सध्या ब्रिटन किंवा फिनलँडमध्ये आश्रय घेण्याचा प्रयत्न करत असल्याची माहिती समोर आली होती, त्याची अद्याप पुष्टी झालेली नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.