आफ्रिका खंडात एक भीषण दुर्घटना घडली आहे. आफ्रिका खंडातील काँगो देशातील नदीत बोट बुडाली आहे. या दुर्घटनेत तब्बल ८० हून अधिक लोकांना मृत्यू झाला आहे. या घटनेने काँगो देशात खळबळ उडाली आहे. सोमवारी रात्री ही घटना घडली आहे.

मिळालेल्या माहितीनुसार, या बोटीत मर्यादेपेक्षा जास्त प्रवासी बसल्याने ही दुर्घटना घडली आहे. सामान्यतः बोटीच्या क्षमतेनुसार प्रवासी बसवणे गरजेचे असते. परंतु या बोटीत जास्त प्रवासी बसले होते. त्यामुळे प्रवाशांचे वजन जास्त झाल्याने ही दुर्घटना घडली आहे.

या दुर्घटनेसंदर्भात काँगो देशाचे राष्ट्राध्यक्ष फेलिक्स शिसेकेडी यांनी बुधवारी माहिती दिली. त्यांनी सांगितले की, सोमवारी रात्री माई नडोम्बे प्रातांत ही घटना घडली. मिळालेल्या माहितीनुसार, ही बोट जवळपास २७१ प्रवाशांना घेऊन किन्शासाला घेऊन जात होती. तेव्हा इंजिनमध्ये बिघाड झाला. त्यामुळे बोट पाण्यात बुडाली. या घटनेत ८० हून अधिक लोांचा मृत्यू झाला आहे.

ही बोट क्वा नदीतून जात होती. तेव्हा जास्त प्रवासी या बोटमध्ये बसले होते. या घटनेत काहीजणांचे मृतदेह अद्याप हाती लागले नाहीत. या नदीत शोधकार्य सुरु आहे.