सिद्धेश म्हात्रे

Uran Accident News :

उरणमध्ये अपघाताची मोठी दुर्घटना घडली आहे. रेल्वे स्थानकासमोरील रस्त्यावर एका भरधाव वाहनाने स्कुटीला जोरदार धडक दिलीये. या भीषण अपघातात पती-पत्नीचा जागीच मृत्यू झालाय. तर त्यांची २ वर्षांची लहान मुलगी जखमी झाली आहे.

मिळालेल्या अधिक माहितीनुसार, पवित्र बराल आणि रश्मिता बराल अशी मृत दाम्पत्याची नावे आहेत. या अपघातात त्यांची चिमुकली बचावली असली गंभीर जखमी झालेय. अपघातानंतर कार चालकाने तेथून पळ काढलाय. पोलिसांत याबाबत तक्रार दाखल करण्यात आली असून पोलिसांकडून फरार आरोपीचा शोध सुरू आहे.

रेल्वेस्थानकाबाहेर असलेल्या रस्त्यावर कार चालक फार वेगात वाहन चालवत होता. तितक्यास समोरून बराल दाम्पत्य आपल्या मुलीसोबत स्कुटीवरून जात होते. समोरून एवढ्या मोठ्याप्रमाणात भरधाव कार आल्याने काही करण्याआधीच कारची आणि दुचाकीची जोरदार धडक झाली.

यामध्ये दोन्ही वाहनांचा चक्काचूर झाला. तर पती-पत्नी आणि त्यांची मुलगी दोघेही उडून खाली पडले. अपघात झाल्यानंतर रस्त्यावर सर्वांनी घोळका केला. जखमींना रुग्णालयात दाखल करण्याऐवजी कार चालकाने यावेळी तेथून पळ काढला. तसेच त्याला आडवणाऱ्या व्यक्तींना मारहाण आणि शिवीगाळ केली. याप्रकरणी वाहन चालक जय घरत विरोधात उरण पोलीस ठाण्यात गुन्हा दाखल करण्यात आलाय. तसेच फरार आरोपीचा पोलीस शोध घेत आहेत.