mumbai  saam tv
मुंबई/पुणे

Mumbai : मुंबईत राज ठाकरेंची डरकाळी! मनसेकडून 'मराठीची पाठशाळा', अमराठी व्यापाऱ्यांसाठी भाषेचा 'क्लास'

Marathi pathshala in Mumbai : मुंबईत मनसे पुन्हा सक्रिय झाली आहे. मनसेने मुंबईत 'मराठीची पाठशाळा सुरु केली आहे. अमराठी व्यापाऱ्यांसाठी पाठशाळा सुरु केली आहे.

Vishal Gangurde

संजय गडदे, साम टीव्ही

मुंबई : राज्यात काही दिवसांपासून मराठी आणि हिंदी भाषेच्या वापरावरून सामाजिक आणि राजकीय वाद निर्माण झाला आहे. मराठी भाषेचा पदसाड मीरा रोड परिसरात अधिक उमटले. याच पार्श्वभूमीवर महाराष्ट्र नवनिर्माण सेनेने एक सकारात्मक आणि विधायक उपक्रम हाती घेतलाय. बोरिवली पश्चिम येथे अमराठी व्यापाऱ्यांसाठी ‘मराठीची पाठशाळा’ हा उपक्रम राबवण्यात आलाय.

मनसेच्या उपक्रमाचा उद्देश म्हणजे मुंबईत व्यवसाय करणाऱ्या अमराठी व्यापाऱ्यांना मराठी भाषा शिकवून त्यांचं स्थानिकांशी सुसंवाद अधिक सुलभ करणं असा आहे. विशेष म्हणजे या उपक्रमात अनेक व्यापाऱ्यांनी उत्स्फूर्तपणे सहभाग घेतलाय. मनसे कार्यकर्त्यांसोबत बसून व्यापाऱ्यांनी मराठीची बाराखडी, मूलभूत शब्द आणि व्यवहारात उपयोगी पडणाऱ्या वाक्यरचनांचं अध्ययन केलं.

मनसेच्या या उपक्रमामुळे सामाजिक सलोखा प्रस्थापित करण्यास मदत होईल, असा विश्वास स्थानिक नागरिकांमध्ये दिसून आलाय. एका व्यापाऱ्याने सांगितलं , 'आम्हाला येथे व्यवसाय करताना स्थानिक भाषेचं ज्ञान असणं आवश्यक आहे. मराठी भाषा शिकण्याची संधी मिळाल्यामुळे आम्हाला खूप आनंद झालाय'.

बोरिवलीतील मनसे पदाधिकाऱ्यांनी स्पष्ट केलं की, "मराठी ही केवळ भाषा नाही, तर येथील मातीची ओळख आहे. महाराष्ट्रात जी लोकं व्यवसाय करतात, त्यांनी स्थानिक भाषेचा आदर ठेवावा, हेच आमचं उद्दिष्ट आहे. आम्ही कोणावरही दबाव टाकत नाहीये, पण मराठी शिकण्याचा हा आग्रह निश्चितच पुढेही सुरू राहील'.

मिरारोडमध्ये मराठी भाषेचा वाद चिघळला होता, त्यानंतर मनसेच्या या उपक्रमाने सौहार्दाचा मार्ग निवडलाय. पुढील काळात मुंबईतील इतर भागांमध्येही 'मराठीची पाठशाळा' हा उपक्रम राबवण्यात येणार असल्याची माहिती मनसेकडून देण्यात आली.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Success Story: लहानपणी आईवडिलांचे छत्र हरपलं; आजीने भाजी विकून मोठं केलं, UPSC क्रॅक करत कॉन्स्टेबल उदय कृष्णा रेड्डी झाले IPS अधिकारी

Todays Horoscope: 'या' राशींसोबत आज मनोबल वाढवणाऱ्या घटना घडतील; वाचा राशीभविष्य

Ind vs Aus: विजयी चौकार मारून जेमिमाला अश्रू अनावर; भर मैदानात कर्णधार हरमनप्रीतलाही कोसळलं रडू, पाहा Video

Farmer Loan Waiver: शेतकऱ्यांना कधी मिळणार कर्जमाफी? मुख्यमंत्र्यांनी सांगितली तारीख

Ind vs Aus Semifinal: शाब्बास पोरींनो! भारताच्या लेकींनी मैदान गाजवलं, ऑस्ट्रेलियाला नमवत फायनलमध्ये दणक्यात एन्ट्री

SCROLL FOR NEXT