Maharashtra Politics : उद्धव ठाकरे सुसाट, पण राज ठाकरेंचं मौन का? वाचा स्पेशल रिपोर्ट,VIDEO

राज ठाकरे आणि उद्धव ठाकरेंनी मराठीच्या विजयी मेळाव्यात एकीची वज्रमूठ आवळली.... त्यानंतर उद्धव ठाकरे सुसाट निघालेत... मराठी माणसांसाठी वैयक्तिक मतभेद विसरुन राज ठाकरेंसोबत पुन्हा एकत्र आलो, याचा पुनरुच्चार उद्धव ठाकरेंनी केलाय.

तर दुसरीकडे मराठीसाठी मिरा रोडला ठाकरे सेना आणि मनसेच्या कार्यकर्त्यांनी एकत्र मोर्चा काढला... त्यामुळे पदाधिकाऱ्यांचं मनोमिलन सुरु असतानाच राज ठाकरेंनी मात्र तोंडावर बोट ठेवलंय...

मनसेचा पदाधिकाऱ्यांना 'राज' आदेश

पक्षातील कोणीही माध्यमांशी संवाद साधू नये

स्वतःचे प्रतिक्रीयांचे व्हिडीओ सोशल मीडियावर टाकू नयेत

अधिकृत जबाबदारी दिलेल्या प्रवक्त्यांनी परवानगी घेऊन भूमिका मांडावी

परवानगीशिवाय माध्यमांशी संवाद साधू नये

सोशल मीडियावर व्यक्त होऊ नये

ठाकरे बंधू एकत्र येण्यामागे मुंबई महापालिका निवडणुकीची रणनीती असल्याची चर्चा रंगलीय. मात्र या मेळाव्यानंतर राज ठाकरेंनी युतीच्या चर्चांवर मौन पाळलंय...मात्र यामागे मुंबई महापालिकेचं गणित असल्याची चर्चा आहे... ते नेमकं काय आहे? पाहूयात...

मनसेवर अँटी हिंदू हा शिक्का बसू नये यासाठी प्रयत्न सुरु

राज ठाकरेंकडून जनतेच्या मतांची चाचपणी

पक्षाच्या भूमिकेबाबत संभ्रम कायम ठेवून योग्य वेळी निर्णय घेण्याची शक्यता

राज ठाकरेंनी मेळाव्यातही स्पष्ट भूमिका नाही

युतीमुळे कार्यकर्त्यावर अन्याय होणार नाही, याची ठाकरेंकडून दक्षता

युतीमुळे कार्यकर्ते फुटू नये याची ठाकरेंना भीती

2017 च्या मुंबई महापालिका निवडणुकीत मनसेला 8 टक्के तर शिवसेनेला 30.41 टक्के मिळाले होते.. तर 28.28 टक्के मुंबईकरांनी भाजपला मतदान केलं होतं.. मात्र आता पुलाखालून बरंच पाणी वाहून गेलंय... शिवसेनेत फूट पडलीय... त्यामुळे ठाकरे बंधूंच्या युतीबाबत उद्धव ठाकरे सुसाट निघाले असले तरी राज ठाकरे मात्र निवडणूकीच्या तोंडावर आपला पत्ते उघड करणार का? याचीच उत्सुकता आहे...