Train Accident : कर्जतजवळ मालगाडी रुळावरून घसरली; मुंबई- पुणे रेल्वे मार्ग ठप्प, नेमकं काय घडलं?

Train Accident near karjat : मध्य रेल्वेवरील कर्जत लोणावळाजवळ मालगाडी रुळावरून घसरल्याची घटना घडली आहे. यामुळे मुंबई- पुणे रेल्वे मार्ग ठप्प झालाय.
karjat
Train Accident Saam tv
Published On

विकास मिरगणे, साम टीव्ही

मुंबई : कर्जत-लोणावळाजवळ शुक्रवारी सांयकाळी चार वाजता मालगाडी घसरल्याची घटना घडली आहे. मंकी हिलजवळ मालगाडी घसरल्याची माहिती मिळत आहे. यामुळं लांब पल्ल्यांच्या रेल्वे गाड्यांची वाहतूक विस्कळीत झाली आहे. मालगाडी घसरल्यामुळे मुंबई-पुणे रेल्वे मार्ग ठप्प झाला आहे. या अपघातामुळे कर्जत आणि पळसधरी येथून पुण्याकडे जाणारी रेल्वे थांबवण्यात आली आहे.

मिळालेल्या माहितीनुसार, मुंबई-पुणे रेल्वे मार्गांवर खंडाळाजवळ मंकी हिलला मालगाडी बोगीची चाके निखळून पडल्याने वाहतूक ठप्प झाली आहे. खंडाळा घाटात मंकी हिलजवळ पुण्याकडे जाणाऱ्या रेल्वेच्या सुरक्षा रक्षक बोगीची चाके निखळून पडल्याने पुण्याकडे जाणारी वाहतूक घाटात थांबवण्यात आली आहे.

karjat
Sanjay Shirsat : शिरसाटांच्या हातात सिगारेट अन् बेडवर पैशांनी भरलेली बॅग; संजय राऊतांच्या दाव्याने राजकारणात खळबळ, VIDEO
karjat
Maharashtra Politics : तुमचा मालक बाटगा, गळ्यात काँग्रेसचं मंगळसूत्र अन् टिळा शरद पवारांचा; रामदास कदमांचा ठाकरेंवर तिखट वार

मुंबईहून पूण्याकडे जाणाऱ्या मेल, एक्सप्रेस, पॅसेंजर रेल्वे आणि मालगाड्या कर्जत, पळसधरी मार्गांवर थांबवण्यात आल्या आहेत. रेल्वे प्रशासन रेल्वे ट्रॅक मोकळा करण्याचा प्रयत्न करत आहेत. मालगाडी घसरल्यामुळे सोलापूर वंदे भारत, जोधपूर हडपसर एक्स्प्रेस, कोणार्क एक्स्प्रेस, पनवेल-नांदेड एक्स्प्रेसवर परिणाम झाला आहे.

karjat
Amdar Niwas Canteen : मोठी बातमी! आमदार निवासातील कॅन्टीनचा परवाना रद्द; अन्न व औषध प्रशासन विभागाकडून कारवाई

दरम्यान, मालगाडी रुळावरून घसरल्यानंतर रेल्वेचे कर्मचारी आणि अधिकाऱ्यांनी घटनास्थळी धाव घेतली. त्यानंतर स्थानिकही घटनास्थळी पोहोचले. रेल्वे कर्मचाऱ्यांनी तातडीने कामाला सुरुवात केल्याची माहिती मिळत आहे. या अपघातात कोणतीही जीवितहानी झालेली नाही. मालगाडी रुळावर आणण्याचं काम युद्ध पातळीवर सुरु करण्यात आलं आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com