पुणे:- पुण्यातील कल्याणीनगर येथील हिट अँड रन प्रकरणातील त्या अल्पवयीन मुलाचे वडील विशाल अग्रवाल यांना आज पुणे पोलिसांकडून न्यायालयात हजर करण्यात येत असताना पुण्यातील वंदे मातरम् संघटनेच्या कडून कोर्टात पोहोचताच विशाल अग्रवाल यांच्यावर शाईफेकीचा प्रयत्न करण्यात आलं आहे. वंदे मातरम संघटनेच्या ५ते ८ कार्यकर्त्यांनी शाईफेकीचा प्रयत्न केला आहे.

याबाबत वंदे मातरम संघटनेचे अध्यक्ष सचिन जामगे म्हणाले की, त्या अल्पवयीन मुलावर कठोर कारवाई व्हावी यासाठी आज आम्ही शाईफेक आंदोलन केलं आहे. त्या मुलाचे वडील विशाल अग्रवाल याने जर आपल्या मुलाला गाडी दिली नसती, तर दोन निष्पाप बळी गेले नसते. पण त्याने गाडी दिल्याने त्याच्या मुलाने दोन निष्पाप मुलांचा जीव घेतला आहे. अशा या पिता-पुत्रावर गुन्हा दाखल करून त्यांच्यावर कठोर कारवाई करण्यात यावी, अशी मागणी यावेळी त्यांनी केली. यावेळी कार्यकर्त्यांना पोलिसांनी ताब्यात घेतल्याचं सांगण्यात येत आहे.

दोन्ही पब निर्बंध आणले पाहिजे.पबमध्ये जाणऱ्या लोकांचे ओळखपत्र तपासले पाहिजेत. जी वयोमर्यादा घालून देण्यात त्याचे नियम काटेकोरपणे पाळले पाहिजेत,अन्यथा वंदे मारतरम संघटनेने हा फक्त ट्रेलर होता. आरोपीच्या अंगावर शाई पडलीय, त्याचं तोंड काळं करायचं होतं,तो प्रयत्न यशस्वी झालाय, असं संघटनेच्या कार्यकर्त्यांनीं म्हटलंय.

दरम्यान, हिट अँड रन प्रकरणात पोलिसांनी अपघाताला कारणीभूत ठरलेल्या मुलाच्या वडिलांना छत्रपती संभाजीनगरमधून अटक केली. त्यानंतर पोलिसांनी अल्पवयीन असूनही पबमध्ये मद्य पिण्यास परवानगी देणाऱ्या आणखी तिघांच्या मुसक्या आवळल्या. यात कोझी आणि ब्लॅक पबच्या व्यवस्थापक आणि मालकाचा सामावेश आहे. आज पोलिसांनी विशाल अग्रवाल यांना पुणे न्यायालयात हजर करण्यात आले पोलिसांनी कोठडीची मागणी केलीय. विशाल अग्रवाल यांच्याकडून त्यांचे वकील प्रशांत पाटील युक्तिवाद करत आहेत. त्यांच्यासह वकिलांचा मोठी फौज कोर्टात दाखल झाली आहे. विशाल अग्रवाल यांच्यासह नितेश शेवानी आणि जयेश बोनकर यांच्याविरोधात सुनावणी होणारय.