अक्षय बडवे| पुणे, ता. ३० जुलै २०२४
शिंदे सरकारची 'मुख्यमंत्री माझी लाडकी बहीण' योजना सध्या चांगलीच चर्चेत आहे. राज्यभरातून महिला वर्गाचा या योजनेला मोठा प्रतिसाद पाहायला मिळत आहे. महायुतीचे घटक पक्ष असलेल्या भाजप, शिवसेना शिंदे गट आणि अजित पवार गटाकडून या योजनेची जोरदार जाहिरातबाजी केली जात आहे. मात्र हीच जाहिरातबाजी पुण्यातील भाजप आमदारच्या अंगलट आली असून महिलांनी थेट पोलिसांत तक्रार केली आहे. काय आहे प्रकरण? वाचा...
'मुख्यमंत्री माझी लाडकी बहीण' योजनेला राज्यभरातून मोठा प्रतिसाद पाहायला मिळत असून लोकप्रतिनिधींकडूनही या योजनेचा अर्ज भरुन घेण्यासाठी मदत करत आहेत. तसेच जास्तीत जास्त महिलांनी याचा लाभ घेण्याचे आवाहन केले जात आहे. अशातच लाडकी बहीण योजनेची जाहिरातीवरुन पुण्याचे भाजप आमदार सिध्दार्थ शिरोळे यांच्याविरोधात महिलांनी पोलिसात धाव घेतली आहे.
सिद्धार्थ शिरोळे हे पुण्यातील शिवाजीनगर विधानसभा मतदारसंघाचे आमदार आहेत. त्यांनी आपल्या मतदारसंघात मुख्यमंत्री लाडकी बहीण योजनेचे बॅनर लावले होते. ज्यावर मुख्यमंत्री, उपमुख्ममंत्री यांच्यासह आमदार सिध्दार्थ शिरोळे याच्यासोबत काही महिलांचे फोटो लावले होते. या बॅनरवर सहमती शिवाय फोटो लावल्याचा आरोप त्या फोटोतील महिलांनी केला आहे.
याप्रकरणी संबंधित महिलांनी पोलिसांत धाव घेतली असून आमदार सिध्दार्थ शिरोळे यांच्याविरोधात तक्रार दिली आहे. दरम्यान, हे प्रकरण समोर आल्यानंतर आमदार सिध्दार्थ शिरोळे यांनी दिलगिरी व्यक्त केल्याचे सांगण्यात येत आहे. या प्रकरणाची सध्या चांगलीच चर्चा होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.