पुणे शहरात घरं घेण्याचे अनेकांचे स्वप्न असते. त्यात हिंजवडी, वाकडसारख्या परिसरात घर घेणे म्हणजे अनेकांचे स्वप्न आहे. येथे घरांच्या किंमती खूप जास्त आहेत. दरम्यान, अशातच पुण्यात हिंजवडी आणि वाकडमध्ये म्हाडाने लॉटरी काढली काढली असल्याची एक माहिती सोशल मीडियावर व्हायरल होत होती. दरम्यान, आता यावर म्हाडाने ट्विट करत माहिती दिली आहे.

महाराष्ट्र गृहनिर्माण आणि क्षेत्र विकास प्राधिकरण म्हणजेच म्हाडाच्या पुणे विभागाने सोशल मीडियाद्वारे ही बातमी खोटी असल्याचे सांगितले आहे. खोट्या बातम्या पसरवल्या जात असल्याचे म्हाडाने म्हटलं आहे. याबाबत म्हाडाने सायबर पोलिसांत तक्रार दाखल केली आहे.

२८ लाखात पुण्यात घर? (Pune Mhada Homes At 28 Lakh)

अधिकाऱ्यांनी दिलेल्या माहितीनुसार, २० टक्के सर्वसमावेशक गृहनिर्माण योजनेअंतर्गत वाकड आणि हिंजवडीमध्ये २८ ते ३० लाखांनी फ्लॅट्स विकले जात असल्याची माहिती पसरवली जात होता. या प्लॅटची किंमती ९० लाख रुपये आहे, अशी दिशाभूल करणारी माहिती ऑनलाइन प्रसारित करण्यात आली आहे. यामध्ये म्हाडाचा लोगोदेखील वापरला गेला आहे.

हे सर्व अहवाल पूर्णपणे खोटे आणि दिशाभूल करणारे आहे. कोणत्याही व्यक्तीला असे दावा करण्याचा किंवा म्हाडाचा लोगो वापरण्याचा अधिकार नाही. हे कृत्य नागरिकांची फसवणूक करण्यासारखे आहे, असं पुणे मंडळाच्या वरिष्ठ अधिकाऱ्यांनी सांगितले.

पुणे म्हाडा बोर्डाचे आवाहन

पुणे बोर्डाने स्पष्ट केले आहे की, अर्जदारांनी अर्ज सादर करण्यासाठी आणि माहितीसाठी फक्त म्हाडाच्या अधिकृत वेबसाइटला भेट द्यावी. चुकीची माहिती किंवा बनवाट सोशल मिडिया पोस्ट, खोटी आश्वासने देणाऱ्या दलालांना बळी पडू नका, असं आवाहन त्यांनी केलं आहे.