- सुशील थोरात

Nagar News :

पाथर्डी शेवगाव तालुक्यातील विविध गावांमध्ये यावर्षी पाऊस अतिशय कमी प्रमाणात पडलेला असल्यामुळे संपूर्ण पाथर्डी (pathardi) आणि शेवगाव (shevgaon) तालुका दुष्काळग्रस्त जाहीर करावा तसेच दोन्हीही तालुक्यांमध्ये चारा छावण्या चालू करा आदी मागण्यांसाठी आज (शुक्रवार) शेवगाव, पाथर्डी तालुक्यातील शेतकऱ्यांनी तिसगाव येथे कल्याण - निर्मल राष्ट्रीय महामार्गावर रास्ता रोको आंदोलन (farmers rasta roko andolan at kalyan nirmal highway) केले. या आंदाेलनामुळे जवळपास एक तास या महामार्गावरील वाहतूक मोठ्या प्रमाणात खोळंबली होती. (Maharashtra News)

पाथर्डी शेवगाव तालुक्यात दुष्काळ जाहीर करावा शेतकऱ्यांना कर्जमाफी करावी, जनावरांसाठी चारा छावण्या चालू कराव्यात, शेतकऱ्यांना पीक विमा मंजूर करावा तसेच शेतकऱ्यांना शेती विषयी शासकीय अनुदान मंजूर करावे विविध मागणीसाठी हा रास्ता रोको करण्यात आले. जर शासनाने या मागण्यांचा गांभीर्याने विचार केला नाही तर पुढील काळात बेमुदत रास्ता रोको करण्याचा इशारा तुळशीराम सानप यांनी यावेळी दिला.

पाथर्डी शेवगाव तालुक्यात भाजपचे आमदार मोनिकाताई राजळे या लोकप्रतिनिधी असून त्यांच्या पक्षाची केंद्रात आणि राज्यात सत्ता असतानाही पाथर्डी सारख्या दुष्काळग्रस्त भागाला आतापर्यंत कोणती मदत मिळाली नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्यांना शेतकऱ्यांचं काहीही देणं घेणं नसल्यामुळे ते सरकार दरबारी काहीच प्रयत्न करत नसल्याचे पाथर्डी पंचायत समितीचे माजी सभापती गोकुळ दौंड यांनी सांगितले. विशेष म्हणजे गोकुळ दाैंड हे भाजपचे नेते असून त्यांनीच आपल्या पक्षातील आमदारावर टीका केली आहे.

Edited By : Siddharth Latkar