मुंबईच्या हार्बर लाईनवरून प्रवास करणाऱ्यांसाठी अत्यंत महत्वाची बातमी आहे. पनवेल–कळंबोली कोचिंग कॉम्प्लेक्स प्रकल्पांतर्गत अडथळे दूर करण्यासाठी मध्य रेल्वेच्या मुंबई विभागात विशेष पॉवर ब्लॉक्स घेण्यात येणार आहेत. हे ब्लॉक्स ०७/०८ डिसेंबर, ०९/१० डिसेंबर ते १४/१५ डिसेंबर आणि १६/१७ डिसेंबर २०२५ या मध्यरात्रीदरम्यान दररोज रात्री ०१.३० ते ०३.३० या वेळेत घेण्यात येतील. हा ब्लॉक पनवेल स्टेशन परिसरातील अप-डाउन मेल मार्ग, अप-डाउन कर्जत मार्ग, लूप मार्ग, इंजिन रिव्हर्सल मार्ग तसेच पनवेल स्टेशनच्या ६ आणि ७ क्रमांकाच्या प्लॅटफॉर्मवर लागू असेल.

मध्य रेल्वेच्या मुंबई विभागात पनवेल – कळंबोली कोचिंग कॉम्प्लेक्स संदर्भातील अडथळे दूर करण्याच्या कामांसाठी ०७/०८.१२.२०२५ (रविवार/सोमवार मध्यरात्री), ०९/१०.१२.२०२५ (मंगळवार/बुधवार मध्यरात्री) ते १४/१५.१२.२०२५ (रविवार/सोमवार मध्यरात्री) तसेच १६/१७.१२.२०२५ (मंगळवार/बुधवार मध्यरात्री) दरम्यान दररोज रात्री ०१.३० ते ०३.३० वाजेपर्यंत विशेष पॉवर ब्लॉक्स परिचालीत करण्यात येतील.

हा ब्लॉक पनवेल स्टेशन मर्यादेत अप व डाउन मेल मार्ग, अप व डाउन कर्जत मार्ग, लूप मार्ग, इंजिन रिव्हर्सल मार्गावर तसेच पनवेल स्टेशनच्या ६ आणि ७ क्रमांकाच्या प्लॅटफॉर्मचा समावेश असेल.

मेल व एक्सप्रेस गाड्यांवर होणारे परिणाम खालीलप्रमाणे असतील :

०७/०८.१२.२०२५ (रविवार–सोमवार मध्यरात्री)

गाडी क्रमांक 22193 दौंड– ग्वालियर एक्सप्रेस कर्जत –कल्याण–भिवंडी रोड मार्गे वळवली जाईल. गाडीला नियोजित पनवेल थांब्याऐवजी कल्याण येथे थांबा देण्यात येईल.

०९/१०.१२.२०२५ (मंगळवार – बुधवार मध्यरात्री)

गाडी क्रमांक 22149 एर्नाकुलम – पुणे एक्सप्रेस सोमाटणे येथे १ तास १५ मिनिटांसाठी नियमन (रेग्युलेट) करण्यात येईल.

दि. १०/११.१२.२०२५ (बुधवार – गुरुवार मध्यरात्री)

गाडी क्रमांक 22115 लोकमान्य टिळक टर्मिनस – करमळी एक्सप्रेस JCO ११.१२.२०२५ रोजी ०३.३० वाजता री-शेड्युल करण्यात येईल.

गाडी क्रमांक 22655 एर्नाकुलम – हजरत निजामुद्दीन एक्सप्रेस सोमाटणे येथे १ तासासाठी रेग्युलेट करण्यात येईल.

दि. ११/१२.१२.२०२५ (गुरुवार – शुक्रवार मध्यरात्री)

गाडी क्रमांक 11099 लोकमान्य टिळक टर्मिनस – मडगांव एक्सप्रेस दि. १२.१२.२०२५ रोजी ०१.४५ वाजता री-शेड्युल करण्यात येईल.

गाडी क्रमांक 22114 तिरुवनंतपुरम – लोकमान्य टिळक टर्मिनस सुपरफास्ट एक्सप्रेस सोमाटणे येथे १ तास १५ मिनिटांसाठी रेग्युलेट करण्यात येईल.

दि. १२/१३.१२.२०२५ (शुक्रवार – शनिवार मध्यरात्री)

गाडी क्रमांक 11099 लोकमान्य टिळक टर्मिनस–मडगांव एक्सप्रेस १३.१२.२०२५ रोजी सुटणारी, ०३.३० वाजता री-शेड्युल करण्यात येईल. गाडी क्रमांक 22149 एर्नाकुलम – पुणे एक्सप्रेस सोमाटणे येथे १ तास १५ मिनिटांसाठी रेग्युलेट करण्यात येईल.

दि. १३/१४.१२.२०२५ (शनिवार–रविवार मध्यरात्री)

गाडी क्रमांक 11099 लोकमान्य टिळक टर्मिनस–मडगांव एक्सप्रेस JCO १४.१२.२०२५ रोजी सुटणारी ०३.३० वाजता री-शेड्युल करण्यात येईल.

गाडी क्रमांक 22653 तिरुवनंतपुरम – हजरत निजामुद्दीन एक्सप्रेस सोमाटणे येथे १ तासासाठी रेग्युलेट करण्यात येईल.

दि. १४/१५.१२.२०२५ (रविवार–सोमवार मध्यरात्री)

गाडी क्रमांक 22193 दौंड – ग्वालियर एक्सप्रेस कर्जत– कल्याण – भिवंडी रोड मार्गे वळवली जाईल. गाडीला नियोजित पनवेल थांब्याऐवजी कल्याण येथे थांबा देण्यात येईल.

दि. १६/१७.१२.२०२५ (मंगळवार–बुधवार मध्यरात्री)

गाडी क्रमांक 22149 एर्नाकुलम – पुणे एक्सप्रेस सोमाटणे येथे १ तास १५ मिनिटांसाठी रेग्युलेट करण्यात येईल.

गाडी क्रमांक 12134 मंगळूरू जंक्शन – छत्रपती शिवाजी महाराज टर्मिनस एक्सप्रेस खालीलप्रमाणे रेग्युलेट केली जाईल :

दि. ०७/०८.१२.२०२५ रोजी सोमाटणे येथे ३० मिनिटांसाठी

दि. ०९/१०.१२.२०२५ ते १३/१४.१२.२०२५ पर्यंत आपटा येथे २० मिनिटांसाठी आणि १६/१७.१२.२०२५ रोजी ३० मिनिटांसाठी.

प्रवाशांनी गाड्यांच्या चालण्यात झालेल्या बदलांची नोंद घ्यावी आणि होणाऱ्या गैरसोयीबद्दल रेल्वे प्रशासनाला सहकार्य करावे अशी विनंती रेल्वे प्रशासनाडकडून करण्यात आली आहे.