Mumbra News : मुंब्रा प्रभाग समिती अंतर्गत मुंब्रा रेल्वे फास्ट ट्रॅकवरील पुलालगत ३५० मी. मी.व्यासाच्या मुख्य जलवाहिनीची गळती काढण्याचे काम करण्यात येणार आहे. या कामासाठी मुंब्रा प्रभाग समितीअंतर्गत १२ तासांचा शटडाऊन घेण्यात येणार आहे. त्यामुळे आजचा (गुरूवार) पाणीपूरवठा रात्री ९ पर्यंत बंद राहील असे पालिकेने कळविले आहे. (Maharashtra News)

या काळात रेतीबंदर, दत्तवाडी, बॉम्बे कॉलनी, मुंब्रादेवी, जीवनबाग, ठाकूरपाडा, आनंद कोळीवाडा, सम्राट नगर, संजय नगर, गावदेवी परिसरात होणारा पाणीपुरवठा बंद राहील. याची नागरीकांनी नोंद घ्यावी तसेच पालिकेला सहकार्य करण्याचे आवाहन करण्यात आले आहे.

दरम्यान काही भागात दाेन दिवस कमी दाबाने पाणीपूरवठा हाेण्याची शक्यता आहे. तरी नागरिकांनी ठाणे पालिकेस सहकार्य करावे असे आवाहनही करण्यात आले आहे. दरम्यान दिवाळीच्या सणात पाणीपूरवठ्यावर परिणाम झाल्याने नागरिकांना त्रास हाेणार असल्याची चर्चा सुरु आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar